നടി തൃഷ കൃഷ്ണന്റെ വിവാഹത്തെ കുറിച്ചുള്ള ഗോസിപ്പ് വാര്‍ത്തകള്‍ ഇടയ്ക്കിടെ പുറത്തുവരാറുള്ളതാണ്. ഒരിക്കല്‍ വിവാഹനിശ്ചയം വരെ കഴിഞ്ഞ താരം പിന്നീട് ആ ബന്ധം തുടരാത്തതും പിന്നീട് താരത്തിന്റെ വിവാഹ നിശ്ചയം കഴിഞ്ഞു എന്ന തരത്തിലുമെല്ലാം വാര്‍ത്തകള്‍ വന്നിരുന്നു. ഇവയില്‍ പലതിനും താരം പിന്നീട് വിശദീകരണവും തന്നു. 2015ല്‍ സംരംഭകനും നിര്‍മ്മാതാവുമായ വരുണ്‍ മണിയനുമായി തൃഷയുടെ വിവാഹ നിശ്ചയം കഴിഞ്ഞിരുന്നു. അടുത്ത ബന്ധുക്കളെയും സുഹൃത്തുക്കളെയും മാത്രം വിളിച്ച് ചേര്‍ത്ത ഒരു ചടങ്ങായിരുന്നു അത്. എന്നാല്‍ ചില കാരണങ്ങള്‍ കൊണ്ട് ഈ വിവാഹം നടന്നില്ല.

ഇക്കൊല്ലം 40 വയസായ താരം ഇപ്പോഴും അവിവാഹിതയായിരിക്കുന്നതിന്റെ കാരണം ഇപ്പോള്‍ ഒരു യൂട്യൂബ് ചാനലിനോട് വ്യക്തമാക്കുകയാണ് തമിഴ് നടനും മാദ്ധ്യമ പ്രവര്‍ത്തകനുമായ ബെയില്‍വാന്‍ രംഗനാഥന്‍. 'തൃഷയ്ക്ക് ഇപ്പോള്‍ 40 വയസായി, ഇപ്പോഴും അവര്‍ അവിവാഹിതയാണ്. എത്രയോ നടന്മാരും നടിമാരും വിവാഹിതരായി സന്തോഷമായി കഴിയുന്നു. എന്നാല്‍ ചിലര്‍ വളരെ പെട്ടെന്ന് വിവാഹമോചനം നേടി പിരിയുന്നു.' ബെയില്‍വാന്‍ രംഗനാഥന്‍ പറയുന്നു. ഇതാണ് തൃഷ വിവാഹം കഴിക്കാതിരിക്കാന്‍ കാരണമെന്നാണ് നടന്‍ പറയുന്നത്.

വിവാഹശേഷം രണ്ടോ മൂന്നോ കൊല്ലം കഴിഞ്ഞ് വിവാഹമോചനത്തിലെത്തിയാല്‍ പിന്നീടുള്ള ജീവിതത്തില്‍ അതൊരു സമ്മര്‍ദ്ദമായി മാറുമെന്നും അങ്ങനെവരാതിരിക്കാന്‍ വേണ്ടിയാണ് താരം അവിവാഹിതയായി തുടരുന്നതെന്നും തന്നെയാരും ശല്യപ്പെടുത്തരുതെന്നാണ് താരത്തിന്റെ പോളിസിയെന്നും ബെയില്‍വാന്‍ രംഗനാഥന്‍ പറയുന്നു.

നേരത്തെ തൃഷയും മലയാളത്തിലെ പ്രമുഖ നിര്‍മ്മാതാവും തമ്മിലുള്ള വിവാഹം അടുത്തു തന്നെ ഉണ്ടാകുമെന്ന് സോഷ്യല്‍ മീഡിയയില്‍ പ്രചരിച്ചിരുന്നു. ഇതുമായി ബന്ധപ്പെട്ട് താരത്തിന്റെ ഭാഗത്ത് നിന്ന് ഒരു പ്രഖ്യാപനം ഉണ്ടാകുമെന്നും റിപ്പോര്‍ട്ടുണ്ടായിരുന്നു പറയുന്നു. എന്നാല്‍ തൃഷയുമായി ബന്ധപ്പെട്ടവരാരും തന്നെ ഇതേ കുറിച്ച് പ്രതികരിച്ചിട്ടില്ല.

തെലുങ്കിലും തമിഴിലും തിരക്കേറിയ താരം, ഇപ്പോള്‍ ടൊവിനോ ചിത്രം ഐഡന്റിറ്റിയില്‍ നായികയാകുന്നുണ്ട്. നിവിന്‍ പോളി നായകനായ മലയാളം ചിത്രം ഹേയ്, ജൂഡില്‍ മുന്‍പ് താരം വേഷമിട്ടിരുന്നു. പൊന്നിയന്‍ സെല്‍വന്‍ 2വിലും വിജയിയുടെ ലിയോയിലും തൃഷ അടുത്തിടെ അഭിനയിച്ചിരുന്നു. കുന്ദവിയായി തിളങ്ങിയ തൃഷ മികച്ച പ്രകടനമാണ് പൊന്നിയന്‍ സെല്‍വനില്‍ കാഴ്ചവച്ചത്. പൊന്നിയന്‍ സെല്‍വനിലെ അഭിനയത്തിന് ആരാധകരുടെ അഭിനന്ദന പ്രവാഹവും താരത്തെ തേടിയെത്തിയിരുന്നു.