മലയാളികളുടെ ഓര്മകളില് എന്നെന്നും...എം ജി രാധാകൃഷ്ണന് വിടവാങ്ങിയിട്ട് പതിനാലു വര്ഷം
മലയാളികളുടെ ഓര്മകളില് എന്നെന്നും...എം ജി രാധാകൃഷ്ണന് വിടവാങ്ങിയിട്ട് പതിനാലു വര്ഷം. എം ജി രാധാകൃഷ്ണന്റെ ശബ്ദത്തിലും സംഗീതത്തിലുമുണ്ട് കാലം തോല്ക്കുന്ന മികവിന്റെ വശ്യത.
ഭക്തിയും പ്രണയവും വേര്പാടും നോവും വിരഹവുമെല്ലാം എം ജി രാധാകൃഷ്ണന്റെ മുന്നിലെത്തുമ്പോള് അതിലെല്ലാം തന്റെ ആത്മാവിനെ കൂടി കുടിയിരുത്തിയ പ്രതിയായിരുന്നു. ജീവിതത്തിലെ മുഖമുദ്രയായിരുന്നു ഉറച്ച നിലപാടുകളും കര്ക്കശ്യവും. സംഗീതത്തിന് മുകളില് ഒന്നിനെയും ഒരാളെയും താന് പ്രതിഷ്ഠിക്കില്ലെന്നുറപ്പിച്ചുള്ള മുന്നോട്ടുപോക്ക്. വെല്ലുവിളികളെ അവസരമായി കണ്ട സംഗീതജ്ഞന്. അതിന് അടയാളമായി മണിചിത്രത്താഴ് സിനിമ തന്നെ ധാരാളം. സംഗീതജ്ഞനായി എം ജി രാധാകൃഷ്ണന്റെ തുടക്കം 1962 മുതല് ലളിതഗാനങ്ങള് ചിട്ടപ്പെടുത്തിയാണ്.
ആകാശവാണിക്ക് വേണ്ടിയാണ് ലളിത ഗാനങ്ങളൊരുക്കിയത്. പിന്നീട് ഗായകനുമായി. വേറിട്ട ആ ശബ്ദം മലയാള സംഗീത ആസ്വാദകരുടെ ഹൃദയം തൊടുകയും ചെയ്തു.
https://www.facebook.com/Malayalivartha
