തന്റെ ഇന്സ്റ്റഗ്രാം സ്റ്റോറിയില് പറയാന് ഉദ്ദേശിച്ചത് എന്താണെന്ന് വ്യക്തമാക്കി നടി ഭാമ
തന്റെ ഇന്സ്റ്റഗ്രാം സ്റ്റോറിയില് പറയാന് ഉദ്ദേശിച്ചത് എന്താണെന്ന് വ്യക്തമാക്കി നടി ഭാമ. സ്ത്രീ അവരുടെ ധനം ആര്ക്കും നല്കിയിട്ട് വിവാഹം കഴിക്കരുതെന്ന് താരം കഴിഞ്ഞ ദിവസം ഇന്സ്റ്റഗ്രാമില് സ്റ്റോറി ഇട്ടിരുന്നു. സ്ത്രീധനത്തെ കുറിച്ചാണ് താരം സ്റ്റോറിയിലൂടെ ഉദ്ദേശിച്ചതെങ്കിലും വിവാഹമേ കഴിക്കരുത് എന്ന തരത്തിലാണ് വ്യാഖ്യാനങ്ങള് ഉയര്ന്നത്. ഇപ്പോഴിതാ താന് ഇന്സ്റ്റഗ്രാം സ്റ്റോറിയില് പറയാന് ഉദ്ദേശിച്ചത് എന്താണെന്ന് വ്യക്തമാക്കിയിരിക്കുകയാണ് നടി.
'സ്ത്രീധനം കൊടുത്ത് വിവാഹം കഴിച്ചാല് ഉണ്ടാകുന്ന പ്രത്യാഘാതങ്ങളെക്കുറിച്ചാണ് ഞാന് കഴിഞ്ഞ ദിവസം എഴുതിയത്. വിവാഹ ശേഷം പണം ആവശ്യപ്പെട്ട് സമ്മര്ദം ഉണ്ടാക്കുക. സ്വന്തം ജീവനുവരെ ഭീഷണിയോടെ ഒരു വീട്ടില് ഭയന്ന് കഴിയുക. ഒപ്പം ഒരു കുഞ്ഞ് കൂടിയുണ്ടെങ്കില് ആ മാനസികാവസ്ഥ എല്ലാത്തിനും അപ്പുറമായിരിക്കും. ഇതാണ് ഞാന് പറയാന് ശ്രമിച്ചത്. ഇങ്ങനെ സ്ത്രീധനം ആവശ്യപ്പെടുന്നവരെ വിവാഹം കഴിക്കരുത് എന്നാണ്. അല്ലാതെ, സ്ത്രീകള് വിവാഹമേ കഴിക്കരുത് എന്നല്ല. ' - എന്നാണ് പുതിയ ഫേസ്ബുക്ക് പോസ്റ്റില് ഭാമ കുറിച്ചിരിക്കുന്നത്.
'വേണോ നമ്മള് സ്ത്രീകള്ക്ക് വിവാഹം? വേണ്ട. ഒരു സ്ത്രീയും അവരുടെ ധനം ആര്ക്കും നല്കിയിട്ടു വിവാഹം ചെയ്യരുത്. അവര് നിങ്ങളെ ഉപേക്ഷിച്ചു പോയാല്? ധനം വാങ്ങി അവര് ജീവനെടുപ്പിക്കും, ഒരിക്കലും ഒരു സ്ത്രീ വിവാഹം കഴിക്കരുത്. വരുന്നവര് എങ്ങനെയാണ് ട്രീറ്റ് ചെയ്യുക എന്നുപോലും അറിയാതെ. ജീവനെടുക്കാന് സാദ്ധ്യതയുള്ള സ്ഥലത്തു നിന്നും എത്രയും വേഗം...' - എന്നാണ് കഴിഞ്ഞ ദിവസം ഭാമ സ്റ്റോറി ഇട്ടിരുന്നത്.
https://www.facebook.com/Malayalivartha
