ഇന്ത്യൻ സിനിമ ആസ്വാദകർ കാത്തിരിക്കുന്ന ചിത്രമാണ് പുഷ്പ 2. ചിത്രവുമായി ബന്ധപ്പെട്ട് നിരവധി അഭ്യൂഹങ്ങൾ ഉണ്ടായിരുന്നു. ഇപ്പോഴിതാ അഭ്യൂഹങ്ങൾക്ക് വിരാമമിട്ട് പുഷ്പ 2-ന്റെ ചിത്രീകരണം പുനരാരംഭിച്ചിരിക്കുകയാണ്. നിലവിൽ ചിത്രത്തിന്റെ ക്ലൈമാക്സ് രംഗങ്ങളുടെ ഷൂട്ടിംഗാണ് ഇപ്പോൾ നടക്കുന്നതെന്നാണ് അണിയറപ്രവർത്തകർ അറിയിച്ചിരിക്കുന്നത്.

അതേസമയം തുടർച്ചയായി ഷൂട്ടിംഗ് വൈകിയതോടെ സംവിധായകൻ സുകുമാറും അല്ലു അർജുനും തമ്മിൽ തർക്കമുണ്ടെന്ന തരത്തിൽ റിപ്പോർട്ട് ഉണ്ടായിരുന്നു. ചിത്രത്തിന്റെ ഷൂട്ടിംഗുമായി ബന്ധപ്പെട്ട് നിരവധി വ്യാജ പ്രചരണങ്ങളാണ് പുറത്തുവന്നെങ്കിലും അതെല്ലാം വെറും അഭ്യൂഹങ്ങൾ മാത്രമായിരിക്കുകയാണ്. മാത്രമല്ല ചിത്രത്തിന്റെ ഷൂട്ടിംഗ് ഉടൻ പൂർത്തിയാകുമെന്നാണ് വിവരം.  

നേരത്തെ ഈ മാസം 15-ന് റിലീസ് ചെയ്യുമെന്നാണ് അറിയിച്ചിരുന്നത്. എന്നാൽ എഡിറ്റിഗും ഷൂട്ടിംഗും ഉൾപ്പെടെയുള്ള പോസ്റ്റ് പ്രൊഡക്ഷൻ വർക്കുകൾ പൂർത്തിയാകാത്തതിനാൽ ഡിസംബർ ആറിനാണ് പുഷ്പ തിയേറ്ററുകളിലെത്തുന്നത്. ഇക്കാര്യം സമൂഹമാദ്ധ്യമത്തിലൂടെ പങ്കുവച്ചത് അല്ലു അർജുൻ തന്നെയാണ്.