പ്രശസ്ത കലാസംവിധായകനും സഹസംവിധായകനുമായ ഹരി വര്‍ക്കല അന്തരിച്ചു. നാല് പതിറ്റാണ്ട് കാലം മലയാള സിനിമയിലെ ജനപ്രിയ ചിത്രങ്ങളില്‍ സഹസംവിധായകനായും കലാസംവിധായകനായും പ്രവര്‍ത്തിച്ചിരുന്നു.

വര്‍ക്കലയിലെ സ്വന്തം വസതിയില്‍ വെച്ചായിരുന്നു അന്ത്യം. ജോഷിയുടെ ഇഷ്ട കലാസംവിധായകനായിരുന്നു. നിരവധി ജോഷി സിനിമകളിലാണ് അദ്ദേഹം പ്രവര്‍ത്തിച്ചിട്ടുള്ളത്.

ന്യൂ ഡല്‍ഹി , സൈന്യം , കൗരവര്‍, റണ്‍ ബേബി റണ്‍ , ധ്രുവം, ലേലം, പത്രം , നായര്‍ സാബ്, ക്രസ്ത്യന്‍ ബ്രദേഴ്‌സ് , റണ്‍വെ, നരന്‍, നമ്പര്‍ 20 മദ്രാസ് മെയില്‍ , ട്വന്റി ട്വന്റ്റി തുടങ്ങി നിരവധി സൂപ്പര്‍ഹിറ്റ് സിനിമകളില്‍ പ്രവര്‍ത്തിച്ചിട്ടുണ്ടായിരുന്നു.