പ്രശസ്ത ഗിറ്റാറിസ്റ്റ് ജോസ് തോമസ് പുത്തൂര് വിമാനയാത്രയ്ക്കിടെയുണ്ടായ ഹൃദയാഘാതത്തെത്തുടര്ന്ന് അന്തരിച്ചു
പ്രശസ്ത ഗിറ്റാറിസ്റ്റ് തിരുവനന്തപുരം മണികണ്ഠേശ്വരം, സി 5, പുത്തൂര് ഹൗസില് ജോസ് തോമസ് പുത്തൂര്(54) വിമാനയാത്രയ്ക്കിടെയുണ്ടായ ഹൃദയാഘാതത്തെത്തുടര്ന്ന് അന്തരിച്ചു.ദക്ഷിണാഫ്രിക്കയില് നിന്ന് തിരുവനന്തപുരത്തേക്കു വരികയായിരുന്നു അദ്ദേഹം.
ബെംഗളൂരു വിമാനത്താവളത്തില് വെച്ച് അസ്വസ്ഥതയുണ്ടായതിനെത്തുടര്ന്ന് ചികിത്സ ലഭ്യമാക്കിയിട്ടുണ്ടായിരുന്നു. ബെംഗളൂരുവില് നിന്ന് തിരുവനന്തപുരത്തേക്ക് എയര് ഇന്ത്യ വിമാനത്തില് യാത്ര തുടര്ന്ന അദ്ദേഹം ബുധനാഴ്ച വൈകുന്നേരം 4.15-ന് യാത്രയ്ക്കിടെ കുഴഞ്ഞുവീഴുകയായിരുന്നു.
ഒപ്പമുണ്ടായിരുന്ന മകന് അമല് ജോസ് വിമാനജീവനക്കാരെ വിവരമറിയിച്ചു. തിരുവനന്തപുരം വിമാനത്താവളത്തില് ഡോക്ടര് അടിയന്തരചികിത്സ നല്കിയശേഷം ആംബുലന്സില് ചാക്കയിലെ സ്വകാര്യ ആശുപത്രിയിലെത്തിച്ചെങ്കിലും രക്ഷിക്കാന് കഴിഞ്ഞില്ല.
അതേസമയം 2007 മുതല് നാലുവര്ഷം അമേരിക്കയിലെ അറ്റ്ലാന്റയില് സംഗീതാധ്യാപകനായിരുന്നു. തിരുമലയില് ടാലന്റ് സ്കൂള് ഓഫ് മ്യൂസിക് എന്ന സ്ഥാപനം നടത്തുന്നുണ്ട്.
https://www.facebook.com/Malayalivartha
