എം മുകേഷ് എംഎല്എയുടെ മുന്കൂര് ജാമ്യാപേക്ഷ എറണാകുളം പ്രിന്സിപ്പല് സെഷന്സ് കോടതി ഇന്ന് പരിഗണിക്കും...
എം മുകേഷ് എംഎല്എയുടെ മുന്കൂര് ജാമ്യാപേക്ഷ എറണാകുളം പ്രിന്സിപ്പല് സെഷന്സ് കോടതി ഇന്ന് പരിഗണിക്കും. മുകേഷിന് ജാമ്യം നല്കരുതെന്നാണ് പ്രോസിക്യൂഷന്റെ നിലപാട്. മുന്കൂര് ജാമ്യാപേക്ഷയെ എതിര്ത്ത് പ്രത്യേക അന്വേഷണ സംഘം കോടതിയില് റിപ്പോര്ട്ട് നല്കും. തുടര്ന്ന് എറണാകുളം പ്രിന്സിപ്പല് സെഷന്സ് കോടതി മുന്കൂര് ജാമ്യാപേക്ഷയില് വാദം കേട്ട് തീരുമാനമെടുക്കുകയും ചെയ്യും.
നടിയെ ലൈംഗിക അതിക്രമത്തിന് വിധേയയാക്കിയെന്ന പരാതിയില് മരട് പൊലീസ് രജിസ്റ്റര് ചെയ്ത കേസിലാണ് മുന്കൂര് ജാമ്യാപേക്ഷ നല്കിയിരിക്കുന്നത്. ജാമ്യമില്ലാ വകുപ്പാണ് മുകേഷിനെതിരെ ചുമത്തിയിട്ടുള്ളത്. മരട് പൊലീസാണ് കേസെടുത്തത്. കഴിഞ്ഞ ദിവസം നടിയുടെ മൊഴി രേഖപ്പെടുത്തുകയും ചെയ്തിട്ടുണ്ടായിരുന്നു.
മുകേഷിനെതിരെ തൃശൂര് വടക്കാഞ്ചേരിയിലും കേസ് വന്നിരുന്നു. 2011 ല് നടന്ന സംഭവമാണ് കേസിനാസ്പദമായത്. അതേസമയം പീഡനക്കേസില് പ്രതിയായ നടന് സിദ്ദിഖും മുന്കൂര് ജാമ്യം തേടി ഇന്ന് കോടതിയെ സമീപിക്കുകയും ചെയ്യും.
https://www.facebook.com/Malayalivartha
