അടുത്ത സുഹൃത്തും നടിയും ഡോക്ടറുമായ ഐശ്വര്യ ഉണ്ണിയെ വിവാഹം ചെയ്ത് റിഷി. വീട്ടുകാരുടെയും ബന്ധുക്കളുടെയും സാന്നിധ്യത്തില്‍ തന്നെയായിരുന്നു വിവാഹം. താലികെട്ടിയതിന് തൊട്ടുപിന്നാലെ തന്നെ ചിത്രങ്ങള്‍ സമൂഹമാധ്യമത്തില്‍ ഋഷി പങ്കുവെക്കുകയും ചെയ്തു.


പൂഴിക്കടകന്‍, സകലകലാശാല, അലമാര തുടങ്ങിയ ചിത്രങ്ങളില്‍ പൂജ വേഷമിട്ടിട്ടുണ്ട്. കുടുംബ വിളക്ക് എന്ന സീരിയലില്‍ ഐശ്വര്യ എന്ന കഥാപാത്രത്തേയും ഐശ്വര്യ ഉണ്ണി അവതരിപ്പിച്ചിട്ടുണ്ട്. നിലവില്‍ സുഖമോ ദേവി എന്ന സീരിയയില്‍ അഭിനയിക്കുകയാണ് താരം. ഉപ്പും മുളകും' എന്ന ഒറ്റ പരമ്പരയിലൂടെ പ്രേക്ഷക മനസില്‍ ഇടംപിടിച്ച താരമാണ് റിഷി.


താരത്തിന്റെ ചുരുളന്‍ മുടിയും വ്യത്യസ്ത ഗെറ്റപ്പും തന്നെയായിരുന്നു പ്രേക്ഷകരുടെ ഇഷ്ടം പിടിച്ചുപറ്റാന്‍ സഹായിച്ചത്. ധാരാളം മുടിയുള്ള റിഷിയുടെ കഥാപാത്രത്തിന്‍രെ പേര് തന്നെ മുടിയന്‍ എന്നായിരുന്നു. പ്രേക്ഷകരും അതേ പേരിലാണ് താരത്തെ വിളിച്ചിരുന്നത്. ഡാന്‍സര്‍ കൂടിയായ റിഷി പിന്നീട് ബിഗ് ബോസ് മലയാളം സീസണ്‍ 6 ലും പങ്കെടുത്തു.

തുടക്കം മുതല്‍ തന്റെ പിന്തുണ ഉറപ്പാക്കാന്‍ റിഷിക്ക് സാധിച്ചിരുന്നു. ഷോയില്‍ റിയല്‍ ആയി നില്‍ക്കുന്ന ചുരുക്കം മത്സരാര്‍ത്ഥികളില്‍ ഒരാളായിരുന്നു റിഷി. അന്‍സിബയുമായുള്ള റിഷിയുടെ കൂട്ടുകെട്ടും ആരാധകരുടെ സ്വീകാര്യത ഇരട്ടിപ്പിച്ചു. ബിഗ് ബോസില്‍ വെച്ച് തന്റെ ജീവിത കഥയും ഋഷി തുറന്ന് പറഞ്ഞിട്ടുണ്ട്.അമ്മയ്ക്ക് വേണ്ടിയാണ് താന്‍ ബിഗ് ബോസില്‍ വന്നതെന്നും അമ്മയാണ് തനിക്ക് ജീവിതത്തില്‍ എല്ലാം എന്നും റിഷി പറഞ്ഞിരുന്നു.


സോഷ്യല്‍ മീഡിയയില്‍ സജീവമായ റിഷി തന്റെ ജീവിതത്തിലെ സന്തോഷങ്ങള്‍ എല്ലാം തന്നെ ആരാധകരുമായി പങ്കിടാറുണ്ട്. ഇപ്പോഴിതാ അത്തരത്തിലൊരു സന്തോഷം റിഷി പങ്കുവെച്ചിരിക്കുകയാണ്. തന്റെ പ്രണയിനിയെ വെളിപ്പെടുത്തിയിരിക്കുകയാണ് താരം.'ഐ പ്രൊപ്പോസ്ഡ് ഹെര്‍' എന്ന വരികളോടെ ഒരു വീഡിയോ ആണ് റിഷി പങ്കുവെച്ചത്. പെണ്‍കുട്ടി പുറംതിരഞ്ഞ് നില്‍ക്കുകയാണ്.

കുട്ടിയുടെ മുഖം കാണിക്കാതിരുന്നതോടെ ആരാണ് ഋഷിയുടെ ജീവിത പങ്കാളി എന്ന് അറിയാനുള്ള ആകാംക്ഷയിലായിരുന്നു ആരാധകര്‍. ഐശ്വര്യക്കൊപ്പമുള്ള നിരവധി റീല്‍ വീഡിയോയും ഫോട്ടോസുമെല്ലാം റിഷി തന്റെ സോഷ്യല്‍ മീഡിയ പേജില്‍ നേരത്തേ പങ്കുവെച്ചിട്ടുണ്ട്. അവയെല്ലാം വളരെ പെട്ടെന്ന് തന്നെ വൈറലായിരുന്നു. എന്നാല്‍ ഐശ്വര്യയുമായി പ്രണയത്തിലാണെന്ന സൂചന ഒരിക്കല്‍ പോലും മുടിയന്‍ തന്നിട്ടില്ലല്ലോയെന്ന പരിഭവമാണ് ആരാധകര്‍ പങ്കുവെയ്ക്കുന്നത്.