മമ്മൂട്ടിക്ക് ഇന്ന് 73-ാം പിറന്നാള്‍....ആശംസകളോടെ ആരാധകര്‍. കൊച്ചിയിലെ വീട്ടില്‍ ഭാര്യ സുല്‍ഫത്ത്, മകന്‍ ദുല്‍ഖര്‍ സല്‍മാന്‍, മകള്‍ സുറുമി അടക്കമുള്ള കുടുംബാംഗങ്ങള്‍ ലളിതമായ പിറന്നാള്‍ ആഘോഷത്തിലുണ്ടാകും.

ഇക്കുറിയും പിറന്നാള്‍ കേക്ക് ഡിസൈന്‍ ചെയ്യുന്നത് മകള്‍ സുറുമിയാണ്. മമ്മൂട്ടി കമ്പനി നിര്‍മ്മിച്ച് ഗൗതം വാസുദേവ് മേനോന്‍ സംവിധാനം ചെയ്യുന്ന പുതിയചിത്രത്തിന്റെ ഫസ്റ്റ് ലുക്ക് ഇന്ന് അദ്ദേഹം പുറത്തുവിടും.

അതേസമയം പിറന്നാള്‍ ദിനത്തില്‍ മമ്മൂട്ടി ഫാന്‍സ് ആന്‍ഡ് വെല്‍ഫെയര്‍ അസോസിയേഷന്‍ ഇന്റര്‍നാഷണലിന്റെ ആഭിമുഖ്യത്തില്‍ 17രാജ്യങ്ങളിലായി 30,000 പേര്‍ രക്തദാനം നടത്തും. കഴിഞ്ഞ വര്‍ഷം കാല്‍ലക്ഷം പേര്‍ രക്തം ദാനം ചെയ്തിരുന്നു.