മലയാള സിനിമയിലെ ഏറ്റവും താരമൂല്യമുള്ള നടിയായിരുന്നു കാവ്യ മാധവന്‍. അന്നും ഇന്നും കാവ്യയ്ക്ക് വലിയ ജനപ്രീതിയാണ് ലഭിച്ചിട്ടുള്ളതും. ദിലീപ് മഞ്ജുവാര്യരുമായിട്ടുള്ള വിവാഹമോചനത്തിന് പിന്നാലെ കാവ്യയും ദിലീപും വിവാഹിതരായി. പിന്നാലെ കാവ്യയ്ക്കും ദിലീപിനുമെതിരെ ഗുരുരമായ അധിക്ഷേപങ്ങളാണ് സോഷ്യല്‍ മീഡിയയിലൂടെ വന്ന് കൊണ്ടിരിക്കുന്നത്. വിമര്‍ശനങ്ങളെയും വിവാദങ്ങളെയുമൊക്കെ മറികടന്ന് സന്തുഷ്ടമായ ദാമ്പത്യ ജീവിതം നയിക്കുകയാണ് കാവ്യയും ദിലീപുമിപ്പോള്‍. ഒപ്പം കൂട്ടിന് മക്കളായ മീനാക്ഷിയും മഹാലക്ഷ്മിയും ഉണ്ട്.

വിവാഹത്തോട് കൂടി അഭിനയത്തില്‍ നിന്നും മറ്റ് പ്രോഗ്രാമുകളില്‍ നിന്നെല്ലാം മാറി പൂര്‍ണമായിട്ടും കുടുംബിനിയായി ജീവിക്കുകയായിരുന്നു കാവ്യ. പൊതുവേദികളില്‍ വരുന്നത് പോലും അപൂര്‍വ്വമായിരുന്നു. ഇടയ്ക്കിടെ താരവിവാഹങ്ങളില്‍ പങ്കെടുക്കുന്ന കാവ്യയുടെ ദൃശ്യങ്ങൾ വൈറലായി മാറുകയും ചെയ്തിരുന്നു. കൂടാതെ ലക്ഷ്യയുടെ മോഡലായി കാവ്യയും മീനാക്ഷിയും എത്താറുണ്ട്.

എന്നാൽ ലുക്കിന്റെ കാര്യത്തിൽ ഇപ്പോഴിതാ കാവ്യ മാധവൻ ചർച്ചയാകുകയാണ്. വിവാഹത്തിനും പ്രസവത്തിനും ശേഷം പഴയ കാവ്യ എവിടെയെന്ന് വിഷമിച്ചിരുന്ന ആരാധകർക്കും പരിഹസിച്ചിരുന്ന വിമർശകർക്കും മറുപടിയായി എത്തിയിരിക്കുകയാണ് നടി. ഇൻസ്റ്റഗ്രാമിൽ പങ്കിട്ട കാവ്യ മാധവന്റെ ചിത്രങ്ങൾ കണ്ട് അമ്പരന്നിരിക്കുകയാണ് ആരാധകർ. നല്ല 'ശാലീന സുന്ദരി', അതാണ് കാവ്യ മാധവന് മലയാളികൾ നൽകിയ ടാഗ്. ദിലീപുമായുള്ള വിവാഹ ശേഷം പക്ഷെ ലുക്കിന്റെ കാര്യത്തിൽ കാവ്യ വലിയ വിമർശനം കേട്ടു.

പ്രസവിച്ചതോടെ താരത്തിന്റെ ശരീരഭാരം കൂടിയിരുന്നു. അടുത്തിടെ സുരേഷ് ഗോപിയുടെ മകളുടെ വിവാഹത്തിന് പങ്കെടുക്കാൻ എത്തിയപ്പോഴുള്ള കാവ്യയുടെ ലുക്കിനെതിരെ പലരും വിമർശനം. കടുത്ത ബോഡി ഷെയ്മിങ് ആയിരുന്നു താരം നേരിട്ടത്. എന്നാൽ വിമർശകരുടെ വായടപ്പിക്കുകയാണ് കാവ്യ തന്റെ പുതിയ ചിത്രങ്ങളിലൂടെ.

ഇൻസ്റ്റഗ്രാമിൽ പങ്കിട്ട പുതിയ ഫോട്ടോകൾ ശരിക്കും ആരാധകരേയും ഞെട്ടിച്ചിരിക്കുകയാണ്. ശരീരഭാരം ഏറെ കുറച്ച് അതീവ സുന്ദരിയായിട്ടാണ് ഫോട്ടോകളിൽ കാവ്യ ഉള്ളത്. തന്റെ വസ്ത്രബ്രാന്റായ ലക്ഷ്യയുടെ മോഡലായിട്ടുള്ള ചിത്രങ്ങളാണ് കാവ്യ പങ്കിട്ടത്. വിവിധ ലുക്കുകളിൽ കാവ്യ സുന്ദരിയായിട്ടുണ്ടെന്നാണ് ആരാധകർ ഒന്നടങ്കം പറയുന്നത്.

സാധാരണ കാവ്യ പങ്കിടുന്ന ഫോട്ടോകളിൽ താരത്തിനെ ബോഡി ഷെയിം ചെയ്തുകൊണ്ടും ദിലീപുമായി ബന്ധപ്പെടുത്തിയെല്ലാം നെഗറ്റീവ് കമന്റ് ഉയരാറുണ്ട്. അടുത്തിടെ പങ്കുവെച്ച ഓണചിത്രത്തിനടക്കം കടുത്ത അധിക്ഷപമാണ് ചിലർ ചൊരിഞ്ഞത്. ദിലീപിന്റേയും കാവ്യയുടേയും പ്രായ വ്യത്യാസം ചൂണ്ടുക്കാട്ടിയും നടി ആക്രമിക്കപ്പെട്ട സംഭവം ചൂണ്ടിക്കാട്ടിയുമെല്ലാമാണ് കമന്റുകൾ ഉണ്ടായിരുന്നത്. എന്നാൽ കാവ്യയയുടെ പുതിയ ഫോട്ടോയ്ക്ക് താഴെ അത്തരം നെഗറ്റീവ് കമന്റുകൾ ഒന്നും ഇല്ലെന്നതാണ് ശ്രദ്ധേയം.

വിവാഹശേഷം കാവ്യ സിനിമയിൽ അഭിനയിച്ചിട്ടില്ല. കാവ്യ സിനിമയിലേക്ക് തിരിച്ചുവരുമോയെന്ന് പലപ്പോഴും ചോദ്യമുയർന്നിട്ടുണ്ട്. താൻ ഇനി ഇല്ലെന്നാണ് നേരത്തേ കാവ്യ പറഞ്ഞത്. ഭർത്താവായ ദിലീപിനോടും ഇതേ ചോദ്യം മാധ്യമങ്ങൾ ചോദിച്ചിട്ടുണ്ട്. മുൻപത്തെ താര ജോഡിയെ വീണ്ടും സ്ക്രീനിൽ കാണാനുള്ള ആഗ്രഹവും ആരാധകർ പ്രകടിപ്പിച്ചിട്ടുണ്ട്. ഇപ്പോൾ കുഞ്ഞിന് പുറകിലുള്ള ഓട്ടത്തിലാണ് അവൾ എന്നും നല്ലൊരു കഥാപാത്രം വന്നാൽ ഒരുമിച്ച് വരുന്നത് ആലോചിക്കാമെന്നുമായിരുന്നു ആരാധകരുടെ ചോദ്യത്തോട് ദിലീപ് പ്രതികരിച്ചത്.