എപ്പോള് വേണമെങ്കിലും ചോദ്യം ചെയ്യലിനു ഹാജരാകാന് തയ്യാര്... ചോദ്യം ചെയ്യലിനു ഹാജരാകാന് സന്നദ്ധത അറിയിച്ച് നടന് സിദ്ദിഖ്...
എപ്പോള് വേണമെങ്കിലും ചോദ്യം ചെയ്യലിനു ഹാജരാകാന് തയ്യാര്... ചോദ്യം ചെയ്യലിനു ഹാജരാകാന് സന്നദ്ധത അറിയിച്ച് നടന് സിദ്ദിഖ്...
അന്വേഷണ സംഘത്തിനു സിദ്ദിഖ് കത്ത് നല്കി. അതേസമയം സിദ്ദിഖിന്റെ മുന്കൂര് ജാമ്യ ഹര്ജി സുപ്രീംകോടതിയുടെ പരിഗണനയില് ഉള്ളതിനാല് ചോദ്യം ചെയ്യലിനുവേണ്ടി ഹാജരാകാനായി ആവശ്യപ്പെട്ട് അന്വേഷണ സംഘം നോട്ടീസ് നല്കിയിരുന്നില്ല.
സിദ്ദിഖിനെ കസ്റ്റഡിയില് ചോദ്യം ചെയ്യണമെന്ന നിലപാടിലായിരുന്നു അന്വേഷണ സംഘം. അതിനാല് അറസ്റ്റു ചെയ്യാന് ഉദ്ദേശിക്കുന്നില്ലെന്നായിരുന്നു അന്വേഷണ സംഘത്തിന്റെ നിലപാട്. ഈ സാഹചര്യത്തിലാണ് സിദ്ദിഖ് കത്ത് നല്കിയത്.
സിദ്ദിഖിന്റെ കത്ത് ലഭിച്ചതോടെ അന്വേഷണസംഘം അദ്ദേഹത്തെ ചോദ്യം ചെയ്യാന് വിളിപ്പിക്കുമെന്നാണ് സൂചനകളുള്ളത്. അടുത്തയാഴ്ച ചോദ്യം ചെയ്യാന് വിളിപ്പിക്കാനാണ് സാധ്യത. അറസ്റ്റ് രേഖപ്പെടുത്തിയാലും സിദ്ദിഖിനെ വിട്ടയക്കേണ്ടിവരും. ഇതോടെ കസ്റ്റഡിയില് ചോദ്യം ചെയ്യണമെന്ന അന്വേഷണസംഘത്തിന്റെ ആവശ്യം ഇല്ലാതാകും. അറസ്റ്റ് ചെയ്താല് വിട്ടയയ്ക്കണമെന്ന് സുപ്രീംകോടതി ഉത്തരവിട്ടിരുന്നു.
എത്ര തവണ വേണമെങ്കിലും അന്വേഷണ സംഘത്തിനു സിദ്ദിഖിനെ ചോദ്യം ചെയ്യാന് വിളിപ്പിക്കാനാകും. സിദ്ദിഖ് കുറ്റക്കാരനാണെന്ന് അന്വേഷണ ഉദ്യോഗസ്ഥനു ബോധ്യപ്പെട്ടശേഷമായിരിക്കും അറസ്റ്റിലേക്ക് പോകുക.
"
https://www.facebook.com/Malayalivartha
