വിജയ് ദേവരകൊണ്ട നായകനായെത്തുന്ന തെലുങ്ക് ചിത്രത്തിന്റെ ഷൂട്ടിംഗിന് എത്തിച്ച ആനകള്‍ ഇന്നലെയാണ് പരസ്പരം ഏറ്റുമുട്ടിയത്. തടത്താവിള മണികണ്ഠന്‍ എന്നയുടെ ആക്രമണത്തിന് പിന്നാലെയാണ് പുതുപ്പള്ളി സാധു കാട്ടിലേക്ക് ഓടിക്കയറിയത്. മണികണ്ഠനും പിന്നാലെ കാടുകയറിയെങ്കിലും അല്‍പസമയത്തിനുള്ളില്‍ കണ്ടെത്താനായിരുന്നു. എന്നാല്‍ സാധുവിനെ കണ്ടെത്താനായിരുന്നില്ല. ഇന്നാലെ രാത്രി മുഴുവന്‍ വനത്തിലായിരുന്നു സാധു കഴിഞ്ഞത്. ഇന്ന് രാവിലെ ആരംഭിച്ച തിരച്ചിലിലാണ് സാധുവിനെ കണ്ടെത്തിയത്. പുതുപ്പള്ളി സാധു എന്ന ആനയെയാണ് പാപ്പാനും വനംവകുപ്പ് ഉദ്യോഗസ്ഥരും മണിക്കൂറുകള്‍ നീണ്ട പരിശ്രമത്തിനൊടുവില്‍ തിരികെ എത്തിച്ചത്.