ഏറെക്കാലമായി തിരുവനന്തപുരത്ത് ഫാൻസി ആഭരണങ്ങളുടെ ഒരു ഓൺലൈൻ പ്ലാറ്റ്‌ഫോം നടത്തി പോരുകയായിരുന്നു കൃഷ്‌ണകുമാറിന്റെ മകൾ ദിയ കൃഷണ.ഇപ്പോഴിതാ  ഓ ബൈ ഓസി’ എന്ന ബ്രാൻഡ് ഇനി ചിറകടിച്ച്‌ ഉയരങ്ങൾ കീഴടക്കാൻ പുറപ്പെട്ടു കഴിഞ്ഞു എന്ന് സൂചന നൽകിയിരിക്കുകയാണ് ദിയ. ഇനി മുതൽ ഇൻസ്റ്റഗ്രാം പേജും വെബ്സൈറ്റും മാത്രമല്ല. ഓസി എന്ന് വിളിക്കുന്ന ദിയയുടെ സംരംഭത്തിൽ നിന്നും ഇഷ്ടമുള്ള ആഭരണങ്ങൾ കണ്ടുമനസിലാക്കി വാങ്ങാൻ ആരാധകർക്ക് അവസരം ഉണ്ടാകും. കവടിയാറിൽ ഒരു ഷോപ്പ് ഉടൻ പ്രവർത്തനമാരംഭിക്കുന്നതിന്റെ സൂചന ദിയ കൃഷ്ണ നൽകി കഴിഞ്ഞു. നിലവിൽ തന്റെ ആഭരണശാലയിൽ നവരാത്രി കളക്ഷൻസ് എത്തിച്ചേർന്ന വിവരവും ദിയ പോസ്റ്റ് ചെയ്തിട്ടുണ്ട്. ഇതിൽ കമ്മലുകളുടെ ഒരു കമനീയ ശേഖരം തന്നെയുണ്ടെന്ന് പോസ്റ്റിൽ കാണാം. നേരത്തെ പറഞ്ഞതുപോലെ ഭാര്യയുടെ പുതിയ തുടക്കത്തിൽ ഏറെ സന്തോഷവാനാണ് അശ്വിൻ ഗണേഷ്. വലിയ ഒരു കാര്യം വരുന്നു എന്നാണ് അശ്വിൻ ഗണേഷ് സ്വന്തം ഇൻസ്റ്റഗ്രാം ഹാൻഡിലിൽ ദിയയുടെ സ്റ്റോറി ഷെയർ ചെയ്ത് കുറിച്ചിട്ടുള്ള വാക്കുകൾ. ഭർത്താവിന്റെ സ്നേഹം നിറഞ്ഞ ഈ പിന്തുണയ്ക്ക് ദിയ കൃഷ്ണ മറ്റൊരു ഷെയറിലൂടെ മറുപടി നൽകിക്കഴിഞ്ഞു.