ഹാഷ്മിയുടെ രണ്ടാമത്തെ തെലുങ്ക് ചിത്രമായ 'ഗൂഡാചാരി 2' വിന്റെ ആക്ഷൻ രംഗം അവതരിപ്പിക്കുന്നതിനിടെ നടൻ ഇമ്രാൻ ഹാഷ്മിക്ക് പരിക്ക്. ഇമ്രാൻ ഹാഷ്മിക്ക് കഴുത്തിലാണ് ആഴത്തിൽ മുറിവേറ്റത്.  ഹൈദരാബാദിൽ വെച്ചായിരുന്നു സംഭവം. ഇന്ന് മുംബൈയിലേക്ക് മടങ്ങുമെന്നാണ് സൂചന.  താരത്തിന്റെ പിആർ ടീമാണ് വിവരം പുറത്തുവിട്ടത്.  2018ല്‍ പുറത്തിറങ്ങിയ സ്പൈ ത്രില്ലർ ചിത്രമാണ് ഗൂഡാചാരി. വെറും ആറ് കോടി ബജറ്റിൽ ഒരുങ്ങിയ ചിത്രം ആഗോളതലത്തിൽ 50 കോടിക്കടുത്ത് കളക്ഷനാണ് നേടിയത്. ശോഭിത ധൂലിപാല, ജഗപതി ബാബു, പ്രകാശ് രാജ് തുടങ്ങിയവരാണ് സിനിമയിലെ മറ്റ് പ്രധാന കഥാപാത്രങ്ങളെ അവതരിപ്പിച്ചത്. ആദ്യ ഭാഗത്തെക്കാള്‍ വലിയ ബജറ്റിലാണ് ഗൂഡാചാരി 2 ഒരുങ്ങുന്നത്.