ഒരുപാട് വേദനകൾ അനുഭവിച്ചിട്ടുണ്ട്; ആത്മഹത്യക്ക് വരെ ശ്രമിച്ചു; ഞെട്ടിക്കുന്ന വെളിപ്പെടുത്തലുകളുമായി അംശിത അക്ബർഷാ!!
മലയാളികൾക്ക് ഏറെ സുപരിചിതയായ നടിയാണ് അന്ഷിത അക്ബർഷാ. വളരെച്ചുരുങ്ങിയ കാലം കൊണ്ട് തന്നെ മലയാളികളുടെ പ്രിയപ്പെട്ട നായികയായി മാറാൻ അൻഷിതയ്ക്ക് സാധിച്ചു. കബനി എന്ന സീ കേരളം സീരിയലിലെ രംഭ എന്ന വില്ലത്തിയായി എത്തിയ അൻഷിത ഏഷ്യാനെറ്റിൽ സംപ്രേഷണം ചെയ്തിരുന്ന കൂടെവിടെ എന്ന മലയാളം സീരിയലിലൂടെ നായികയായി മാറുകയായിരുന്നു. കൂടെവിടെയിലെ സൂര്യ കൈമൾ എന്ന മിടുക്കി കഥാപാത്രത്തെ അവതരിപ്പിച്ച് അൻഷിത മലയാളികളുടെ പ്രിയപ്പെട്ടവളായി മാറി.
വലിയ ജനപ്രീതിയുള്ള പരമ്പരയായിരുന്നു അൻഷിത നായികയായ കൂടെവിടെ. ഈ പരമ്പരയിലൂടെ നിരവധി ആരാധകരെ സ്വന്തമാക്കാൻ അൻഷിതയ്ക്ക് കഴിഞ്ഞു. കൂടെവിടെയിലെ അഭിനയത്തിനുശേഷം നിരവധി അവസരങ്ങൾ അൻഷിതയെ തേടിയെത്തി. അധികം വൈകാതെ അഭിനയമികവുകൊണ്ട് അൻഷിതയ്ക്ക് തമിഴ് സീരിയലിലും ലീഡ് റോൾ ചെയ്യാൻ അവസരം ലഭിച്ചു. ചെല്ലമ്മ എന്ന സീരിയലിൽ ടൈറ്റിൽ റോളിൽ തന്നെയാണ് അൻഷിത എത്തിയത്. ചെല്ലമ്മ ഇപ്പോൾ മലയാളത്തിലേക്ക് മൊഴിമാറ്റി ഏഷ്യാനെറ്റിലും സംപ്രേഷണം ചെയ്യുന്നുണ്ട്. തമിഴ് പ്രേക്ഷകരുടെ പ്രിയപ്പെട്ട നടൻ അർണവ് ആണ് പരമ്പരയിൽ നായകനായി എത്തുന്നത്.
മലയാളത്തിലെ പോലെതന്നെ തമിഴ് സീരിയല് ലോകത്തും തന്റേതായ ഇടം കണ്ടെത്താൻ അൻഷിതയ്ക്ക് സാധിച്ചു. എല്ലാവരുടെയും പ്രശംസ പിടിച്ചുപറ്റിയ താരമിപ്പോൾ ബിഗ് ബോസിലും മത്സരിക്കുന്നുണ്ട്. തമിഴ് ബിഗ് ബോസിൽ ആണ് താരമെത്തുന്നത്.അതിന്റെ ഇൻട്രോ വീഡിയോയിൽ അൻഷിത, തന്നെകുറിച്ച് പറഞ്ഞ കാര്യങ്ങളാണ് ഇപ്പോൾ സോഷ്യൽ മീഡിയയിൽ വൈറലാവുന്നത്. തമിഴിലെ ഏറ്റവും വലിയ റിയാലിറ്റി ഷോകളിൽ ഒന്നായ ബിഗ് ബോസിലെ ഈ സീസൺ, കമൽ ഹാസന് പകരം വിജയ് സേതുപതിയാണ് നിയന്ത്രിക്കുന്നത് എന്ന പ്രത്യേകത കൂടിയുണ്ട്. തന്റെ ഈ പ്രായത്തിനിടയിൽ ഒരുപാട് വേദനകൾ അനുഭവിക്കേണ്ടി വന്നിട്ടുണ്ടെന്നും പലപ്പോഴും ആത്മഹത്യക്ക് വരെ ശ്രമിക്കേണ്ടി വന്നിട്ടുണ്ടെന്നും അൻഷിത പറയുകയുണ്ടായി. എന്നാൽ ഇതിന് പിന്നാലെ അൻഷിതയുമായി ബന്ധപ്പെട്ട ഒരു വിവാദ സംഭവം എടുത്തിടുകയാണ് പലരും സമൂഹ മാധ്യമങ്ങളിൽ. സീരിയലിലെ സഹതാരമായ അർണവുമായുള്ള ബന്ധത്തെ കുറിച്ച് ഉയർന്നുവന്ന വിവാദങ്ങളാണ് താരം സൂചിപ്പിക്കുന്നത് എന്നാണ് പലരും അഭിപ്രായപ്പെടുന്നത്. 'ജനിച്ചതും വളർന്നതുമെല്ലാം കേരളത്തിൽ ആണെങ്കിലും ചെല്ലമ്മയായിട്ടാണ് തമിഴ് പ്രേക്ഷകർക്ക് തന്നെ അറിയുന്നത്. എന്നോട് വളരെയധികം സ്നേഹം അവർ കാണിച്ചിട്ടുണ്ട്, എന്നാൽ ഇപ്പോൾ യഥാർത്ഥ അൻഷിത ആരെന്നറിയാനുള്ള സമയമായി. ബിഗ് ബോസ് വീട്ടിലേക്കുള്ള കടന്നുവരവ് എന്റെ ജീവിതത്തിലെ പുതിയൊരു യാത്രയാണ്' താരം പറഞ്ഞു. 'മലയാളത്തിൽ ചെറിയ വേഷങ്ങളിലൂടെയാണ് ഞാൻ തുടങ്ങിയത്. എന്നാൽ പിന്നീട് വലിയൊരു സീരിയലിൽ എനിക്ക് മികച്ച വേഷം കിട്ടി. അതിന് ശേഷമാണ് തമിഴ്നാട്ടിൽ നിന്ന് എനിക്ക് ഓഫറുകൾ ലഭിക്കാൻ തുടങ്ങിയത്. മലയാളികളേക്കാൾ കൂടുതൽ സ്നേഹവും പരിഗണനയും എനിക്ക് എനിക്ക് തമിഴ്നാട്ടുകാരാണ്. പലരും എന്നെ സ്വന്തം മകളായി പോലും കണ്ട് തുടങ്ങി' അൻഷിത മനസ് തുറന്നു. തന്റെ മാതാപിതാക്കൾ വേർപിരിഞ്ഞ ശേഷം അമ്മയാണ് വളർത്തിയതും ഈ നിലയിൽ എത്തിച്ചതെന്നും താരം പറയുന്നു. '27 വയസിനിടെ പലതും അനുഭവിക്കേണ്ടി വന്നു. എന്റെ പ്രായത്തിൽ കവിഞ്ഞുള്ള ക്രൂരമായ കാര്യങ്ങൾ അനുഭവിക്കേണ്ടി വന്നിട്ടുണ്ട്. ഒന്നോ രണ്ടോ തവണ ആത്മഹത്യ ചെയ്താലോ എന്ന് വരെ തോന്നിയിരുന്നു. എന്റെ സുഹൃത്തുക്കളാണ് കൂടെ നിന്നത്. അവരില്ലെങ്കിൽ ഇന്ന് ഞാനുമില്ല' താരം പറഞ്ഞു. നേരത്തെ ചെല്ലമ്മ എന്ന തമിഴ് സീരിയയിലെ സഹതാരമായിരുന്ന അർണബുമായി അൻഷിത പ്രണയത്തിൽ ആണെന്ന് വാർത്തകൾ പ്രചരിച്ചിരുന്നു. ഇതോടെ വലിയ വിവാദങ്ങളിലാണ് താരം ചെന്നുപെട്ടത്. നടന്റെ ഭാര്യയായ ദിവ്യ അൻഷിതയ്ക്ക് എതിരെ രംഗത്ത് വന്നതോടെ പ്രശ്നങ്ങൾ വഷളായിരുന്നു. തുടർന്ന് അർണബ് ദിവ്യയുമായുള്ള ബന്ധം ഉപേക്ഷിക്കുകയായിരുന്നു. ഇതിൽ അൻഷിതയെ ആയിരുന്നു പലരും കുറ്റപ്പെടുത്തിയത്. ഇതുൾപ്പെടെയുള്ള കാര്യങ്ങളാണ് താരം ബിഗ് ബോസ് വീട്ടിൽ കടന്നുപോവുമ്പോൾ സൂചിപ്പിച്ചതെന്നാണ് ആരാധകർ ചൂണ്ടിക്കാണിക്കുന്നത്. വിവാദ നായകനായ അർണബും ബിഗ് ബോസിൽ അൻഷിതയ്ക്ക് ഒപ്പം ഉണ്ടെന്നതാണ് കൗതുകകരമായ കാര്യം. ഇരുവരും വിവാദങ്ങൾക്ക് ശേഷവും ഷൂട്ടിംഗ് ലൊക്കേഷനിലെ ഉൾപ്പെടെ വീഡിയോകൾ പങ്ക് വയ്ക്കുക പതിവായിരുന്നു.
https://www.facebook.com/Malayalivartha
