സംഗീത പ്രഭ പുരസ്‌കാരം ചലച്ചിത്രപിന്നണി ഗായിക രാജലക്ഷ്മിക്ക്....സംഗീതരംഗത്തെ മികവുറ്റ സംഭാവനകള്‍ നല്കുന്ന പ്രതിഭകള്‍ക്ക് തിരുവനന്തപുരം മ്യൂസിക് ക്ലബ്ബ് വര്‍ഷം തോറും നല്കുന്ന പുരസ്‌കാരമാണിത്. 10,000 രൂപയും പ്രശംസാഫലകവും അടങ്ങുന്നതാണ് പുരസ്‌ക്കാരം.

ഒക്ടോബര്‍ 20 ന് ഞായറാഴ്ച വൈകീട്ട് 5.30 ന് തമ്പാനൂര്‍ പി.ടി.സി. ടവറിലെ ഹംസധ്വനി ഹാളില്‍ നടക്കുന്ന ചടങ്ങില്‍ കവി പ്രഫ. വി. മധുസൂദന്‍ നായര്‍ പുരസ്‌കാരം സമ്മാനിക്കുന്നതാണ്. ക്ലബ് പ്രസിഡന്റ് ഡോ. എം. അയ്യപ്പന്‍, സെക്രട്ടറി ജി സുരേഷ് കുമാര്‍, ചെറിയാന്‍ ഫിലിപ്പ് തുടങ്ങിയവര്‍ പങ്കെടുക്കും. തുടര്‍ന്ന് 6.30 ന് നടക്കുന്ന 59മത് സംഗീത സായാഹ്നത്തില്‍ ക്ലബ് ഗായകര്‍ തെരെത്തെടുത്ത ഗാനങ്ങള്‍ ആലപിക്കും.

ഒന്‍പതാം വയസില്‍ ഗാനമേളകളിലൂടെ ഗാനരംഗത്ത് പ്രവേശിച്ച രാജലക്ഷ്മി 2004 ല്‍ മികച്ച ഗായികക്കുള്ള സംസ്ഥാന നാടക അവാര്‍ഡും, ജനകന്‍ എന്ന ചിത്രത്തിലെ ഗാനത്തിന് മികച്ച ഗായികക്കുള്ള സംസ്ഥാന പുരസ്‌കാരവും ലഭ്യമായിട്ടുണ്ട്.

മുന്‍ ചീഫ് സെക്രട്ടറിയും ഗാനരചയിതാവുമായ കെ.ജയകുമാര്‍, സംഗീത സംവിധായകന്‍ എം. ജയചന്ദ്രന്‍ എന്നിവര്‍ക്കാണ് മുന്‍വര്‍ഷങ്ങളില്‍ പുരസ്‌ക്കാരം ലഭിച്ചത്.