നടന് സിദ്ദിഖിന്റെ മുന്കൂര് ജാമ്യാപേക്ഷ രണ്ടാഴ്ചത്തേക്ക് മാറ്റി.... അറസ്റ്റ് തടഞ്ഞുള്ള ഇടക്കാല ഉത്തരവ് ഇതുവരെ തുടരുമെന്ന് സുപ്രീംകോടതി
നടന് സിദ്ദിഖിന്റെ മുന്കൂര് ജാമ്യാപേക്ഷ രണ്ടാഴ്ചത്തേക്ക് മാറ്റി.... അറസ്റ്റ് തടഞ്ഞുള്ള ഇടക്കാല ഉത്തരവ് ഇതുവരെ തുടരുമെന്ന് സുപ്രീംകോടതി
സിദ്ദിഖ് തെളിവ് നശിപ്പിക്കുകയാണെന്നും അന്വേഷണവുമായി സഹകരിക്കുന്നില്ലെന്നുമാണ് സംസ്ഥാന സര്ക്കാര് കോടതിയില് വാദിച്ചു. ംസ്ഥാന സര്ക്കാരിന്റെ സത്യവാങ്മൂലത്തിന് എതിര് സത്യവാങ്മൂലം നല്കാന് സമയം വേണമെന്ന് സിദ്ദിഖ് കോടതിയോട് ആവശ്യപ്പെട്ടു. ഇത് പരിഗണിച്ചാണ് കേസ് രണ്ടാഴ്ചയ്ക്ക് ശേഷം പരിഗണിക്കാനായി മാറ്റി വച്ചത്.
അതേസമയം, എട്ട് കൊല്ലം കാലതാമസം എങ്ങനെ വന്നുവെന്ന് കോടതി വീണ്ടും ആരാഞ്ഞു. സിദ്ദിഖിനായി മുതിര്ന്ന അഭിഭാഷകര് വി ഗിരിയാണ് ഹാജരായത്. സൂപ്പര്സ്റ്റാറിനെതിരെ പോകാന് പലരും മടിക്കുമെന്നും പരാതി നല്കുന്നതിന് മുമ്പ് തന്നെ ഫേസ്ബുക്കില് വിഷയം ഉയര്ത്തിയിരുന്നുവെന്നും പരാതിക്കാരിയുടെ അഭിഭാഷക കോടതിയില് പറഞ്ഞു. എട്ട് കൊല്ലത്തിന് ശേഷമല്ലേ കേസെന്നായിരുന്നു കോടതിയുടെ ചോദ്യം.
ബലാത്സംഗക്കേസില് സുപ്രീംകോടതിയില് ഇന്നലെ സിദ്ദിഖ് സത്യവാങ്മൂലം സമര്പ്പിച്ചിരുന്നു. അന്വേഷണ ഉദ്യോഗസ്ഥന്റെ മുന്നില് ഹാജരായെന്നും പൊലീസ് ആവശ്യപ്പെട്ടതില് തന്റെ കൈവശമുള്ള തെളിവുകളും ഫോണ് നമ്പര് വിവരങ്ങളും കൈമാറിയെന്നുമായിരുന്നു സിദ്ദിഖിന്റെ സത്യവാങ്മൂലത്തിലുള്ളത്.
"
https://www.facebook.com/Malayalivartha
