സോഷ്യൽ മീഡിയയിൽ എപ്പോഴും ശ്രദ്ധ നേടുന്ന ദിയ കൃഷ്ണ ഇന്ന് ജീവിതത്തിലെ പുതിയൊരു ഘട്ടത്തിലാണ്. അടുത്തിടെയാണ് ആഘോഷപൂർവം ദിയയുടെ വിവാഹം നടന്നത്. പതിവ് സെലിബ്രിറ്റി വിവാഹങ്ങളിൽ നിന്നും വ്യത്യസ്തമായി അടുത്ത ബന്ധുക്കളുടേയും സുഹൃത്തുക്കളുടേയും സാന്നിധ്യത്തിലായിരുന്നു താരത്തിന്റെ വിവാഹം. ചടങ്ങിനെല്ലാം തന്നെ ആരാധകർ പറയുന്നത് പോലെ ഒരു 'ദിയ ടച്ച്' ഉണ്ടായിരുന്നു. ആളുകൾ കുറവായിരുന്നെങ്കിലും ആഘോഷങ്ങൾക്ക് യാതൊരു കുറവും ഉണ്ടായിരുന്നില്ല. കല്ല്യാണ ആഘോഷങ്ങളുടെ വീഡിയോകളും ഫോട്ടോകളുമെല്ലാം സോഷ്യൽ മീഡിയയിൽ ട്രെന്റിങ്ങായി മാറി.

വിവാഹത്തിന് ശേഷം തന്റെ വീടിനടുത്ത് തന്നെ ഒരു ഫ്ലാറ്റ് എടുത്ത് അശ്വിനൊപ്പം തനിച്ച് കഴിയുകയാണ് ദിയ. വിവാഹിതയായി ഭർത്താവിനും മക്കൾക്കുമൊപ്പം ജീവിക്കാനാണ് താനെന്നും ആ​ഗ്രഹിച്ചതെന്ന് ദിയ തുറന്ന് പറഞ്ഞിട്ടുണ്ട്. ആ​ഗ്രഹിച്ചത് പോലെ തന്നെ മനസിലാക്കുന്ന പങ്കാളിയെ ദിയക്ക് ലഭിച്ചു. അശ്വിൻ ​ഗണേശ് എന്നാണ് ഭർത്താവിന്റെ പേര്. സുഹൃത്തുക്കളായിരുന്ന ഇരുവരും പിന്നീട് പ്രണയത്തിലാവുകയായിരുന്നു. ദിയയുടെ പഴയ വ്ലോ​ഗുകളിലെല്ലാം അങ്ങിങ്ങായി അശ്വിനെ കാണാം. എന്നാൽ അശ്വിൻ തന്റെ ജീവിതത്തിലെ ഏറ്റവും പ്രധാനപ്പെട്ട ആളായി മാറുമെന്ന് അന്ന് ദിയ കരുതിയിരുന്നില്ല. താനാ​ഗ്രഹിച്ചത് പോലെയാെരു പങ്കാളിയാണ് അശ്വിനെന്ന് ദിയ ഒന്നിലേറെ തവണ പറഞ്ഞിട്ടുണ്ട്. അശ്വിൻ ദിയയ്ക്ക് ഭർത്താവ് മാത്രമല്ല ഒരു നല്ല സുഹൃത്ത് കൂടിയാണ്. അതുകൊണ്ട് തന്നെ ഏറ്റവും കൂടുതൽ സമയം അശ്വിനൊപ്പം ചിലവഴിക്കാനാണ് ദിയയ്ക്കും ഇഷ്ടം. മാത്രമല്ല കുഞ്ഞുങ്ങളെ ഏറെ ഇഷ്ടമുള്ളയാളാണ് ദിയ. ഭർത്താവിനും മക്കൾക്കും ഒപ്പം കുടുംബമായി കഴിയാനുള്ള ആ​ഗ്രഹം കൊണ്ടാണ് ചേച്ചി അഹാനയ്ക്ക് മുമ്പ് തന്നെ ദിയ കൃഷ്ണ വിവാഹിതയായത്. നല്ലൊരു പങ്കാളിയെ കൂടി കിട്ടിയതോടെ വിവാഹം പെട്ടന്ന് നടത്താമെന്ന് ദിയ കുടുംബത്തിന്റെ സമ്മതത്തോടെ തീരുമാനിക്കുകയായിരുന്നു.

എന്നാലിപ്പോഴിതാ സോഷ്യൽമീഡിയയിൽ സജീവമായ ദിയ പങ്കിട്ട ഏറ്റവും പുതിയ ഫോട്ടോയാണ് ആരാധകർക്കിടയിൽ ഇപ്പോൾ ശ്രദ്ധനേടുന്നത്. അശ്വിൻ പകർത്തിയ സെൽഫിയാണ് ​ദിയ പങ്കിട്ടത്. സെൽഫിക്ക് നിറചിരിയോടെ പോസ് ചെയ്യുന്ന ഭർത്താവിന്റെ മുഖത്ത് നിന്നും കണ്ണെടുക്കാതെ നിൽക്കുന്ന ദിയയാണ് പുതിയ ഫോട്ടോയിലുള്ളത്. ഇതുപോലെ നിന്റെ പുഞ്ചിരിയിലേക്ക് നോക്കി നിൽക്കുന്ന എന്നെ ഓരോ സെൽഫികൾക്കിടയിലും നീ പിടികൂടും എന്നാണ് ഭർത്താവിനൊപ്പമുള്ള ചിത്രം പങ്കിട്ട് ദിയ കുറിച്ചത്. ഫോട്ടോ പ്രത്യക്ഷപ്പെട്ടതും ആരാധകരെല്ലാം ക്യൂട്ട് കപ്പിളിനോടുള്ള സ്നേഹം അറിയിച്ച് എത്തി.

കപ്പിൾ മെയ്ഡ് ഇൻ ഹെവൻ എന്നാണ് ആരാധകരിൽ ഒരാൾ കുറിച്ചത്. സെലിബ്രിറ്റികൾ അടക്കം നിരവധി പേർ ഫോട്ടോയ്ക്ക് ലൈക്കുമായി എത്തി. അതേസമയം ഇരുവരുടെയും പുതിയ കപ്പിൾ ഫോട്ടോ കണ്ടതോടെ ആരാധകരിൽ ചിലർക്ക് ചില സംശയങ്ങളുമുണ്ടായി. ദിയ കൃഷ്ണ ​ഗർഭിണിയാണോ എന്നുള്ള സംശയമാണ് ചില ആരാധകർ കമന്റിൽ പ്രകടിപ്പിച്ചത്. അതിന് കാരണം ദിയയുടെ വസ്ത്രം തന്നെയായിരുന്നു. ഡീപ്പ് നെക്കുള്ള ​ഗ്രേ കളർ ബോഡി കോൺ വസ്ത്രമാണ് പുതിയ ഫോട്ടോയിൽ ദിയ ധരിച്ചിരുന്നത്. ദേഹത്തോട് ഒട്ടിനിൽക്കുന്ന മെറ്റീരിയലാണ് ദിയയുടെ വസ്ത്രത്തിന്റേത്. അതിനാൽ വയർ അൽപ്പം വലുതായി കാണാം. അതിനാലാകാം ദിയ ​ഗർഭിണിയാണോയെന്ന സംശയം ആരാധകരിലുണ്ടായത്. എന്നാൽ കുനിഷ്ട് ചോദ്യവുമായി എത്തിയവർക്ക് തന്റെ പതിവ് ശൈലിയിൽ ദിയ മറുപടി നൽകി. അതെ പ്രെഗ്നന്റ് ആണ്, 14 മാസം എന്നായിരുന്നു ദിയ നൽകിയ ഉത്തരം. ദിയയുടെ മറുപടിക്ക് പിന്നാലെ ചോദ്യം ചോദിച്ച ആളെ താരത്തിന്റെ ആരാധകർ കണക്കിന് ട്രോളി.