നടൻ കൃഷ്ണ കുമാറിന്റെ മൂന്നാമത്തെ മകൾ ഇഷാനി കൃഷ്ണ പങ്കുവച്ച ചിത്രങ്ങൾ സമൂഹമാദ്ധ്യമങ്ങളിൽ വൈറലാകുകയാണ്. സാരിയിൽ അണിഞ്ഞൊരുങ്ങി രവിവർമ ചിത്രത്തിലെ ശകുന്തളയെ പോലെയാണ് ഇഷാനിയെ ചിത്രത്തിൽ കാണാൻ കഴിയുന്നത്. കഴുത്തിൽ പലതരത്തിൽ ​ഗോൾഡൻ കളറിലെ മാലകളും നെറ്റിചുട്ടിയും വളയുമാണ് ഇതിനോടൊപ്പം ഇഷാനി പെയർ ചെയ്തിരിക്കുന്നത്. അതീവ സുന്ദരിയായിട്ടുള്ള താരത്തിന്റെ ചിത്രത്തിന് നിരവധി കമന്റുകളും നിറയുന്നുണ്ട്. ഒരു എഐ ജനറേറ്റഡ് ദേവതയെ പോലെയുണ്ടെന്നാണ് കൂടുതൽ പേരും കമന്റ് ചെയ്തിരിക്കുന്നത്. വൺ എന്ന ചിത്രത്തിലൂടെയാണ് അഭിനയ രം​ഗത്തേക്ക് ഇഷാനി ചുവടുവെച്ചത്.