ബാലയുടെ വിവാഹം കഴിഞ്ഞ ദിവസം കഴിഞ്ഞതോടെ ഏറ്റവും അധികം ചർച്ച ചെയ്യപ്പെട്ട പേരായിരുന്നു ഡോക്ടറും തൃശൂർ സ്വദേശിയുമായ എലിസബത്ത് ഉദയന്റെത്. ബാലയുമായി എലിസബത്ത് നിയമപരമായി വിവാഹം കഴിച്ചിട്ടില്ല. അതുകൊണ്ട് തന്നെ ബാലയെ സംബന്ധിച്ച് വീണ്ടുമൊരാളെ വിവാഹം കഴിക്കാൻ നിയമതടസം ഇല്ല. കഴിഞ്ഞ ദിവസമാണ് ബാല തന്റെ മാമന്റെ മകളായ കോകിലയെ വിവാഹം കഴിച്ചത്. അമൃത സുരേഷുമായി വേർപിരിഞ്ഞതിന് പിന്നാലെ 2021 ലായിരുന്നു എലിസബത്ത് ഉദയനെ ബാല വിവാഹം കഴിക്കുന്നത്. എന്നാൽ 2023 ൽ ഇരുവരും വേർപിരിഞ്ഞു. ബാല തന്നെയാണ് എലിസബത്ത് തനിക്കൊപ്പം ഇല്ലെന്ന് വ്യക്തമാക്കിയത്. എന്നാൽ പിരിയാൻ ഉണ്ടായ കാരണം ഒരിക്കൽ പോലും ബാലയോ എലിസബത്തോ പറഞ്ഞിട്ടില്ല. ഇപ്പോഴിതാ ബാല നാലാമതൊരു വിവാഹം കഴിച്ചതോടെ വീഡിയോയുമായി എത്തിയിരിക്കുകയാണ് എലിസബത്ത്.

എലിസബത്തിന്റെ വാക്കുകൾ ഇങ്ങനെ..

ഒരുപാട് ന്യൂസൊക്കെ കാണുന്നുന്നു. ഞാൻ വീഡിയോ ഇടണോ വേണ്ടയോ എന്ന വിഷമത്തിലൊക്കെയായിരുന്നു. എനിക്ക് അതിനെ കുറിച്ച് പറയാൻ താത്പര്യമില്ല. ഞാൻ ഒരു ഹാപ്പി മൊമന്റിലാണ് ഇപ്പോൾ. അതിനെ കുറിച്ച് പറഞ്ഞ് വീഡിയോ ചെയ്യാമെന്ന് കരുതി. ഞാൻ ഇപ്പോൾ അഹമ്മദാബാദിലാണ്.

കഴിഞ്ഞ ദിവസം ഞാൻ പറഞ്ഞിരുന്നു ഒരു ഫ്രണ്ട് വന്ന് പറഞ്ഞു, രോഗിക്ക് കറക്ട് സമയത്ത് സഹായം കിട്ടിയതിനാൽ രക്ഷപ്പെട്ടു, ഭയങ്കര ഹാപ്പിയാണ് എന്ന്, അത് എനിക്കും സന്തോഷമായിരുന്നു. ഇന്ന് അവർ ഡിപ്പാർട്ട്മെന്റിൽ എത്തി കുറെ ചോക്ലേറ്റ് നൽകി. രണ്ട് കാര്യത്തിലാണ് സന്തോഷം, എന്റെ പാർട്ട് ചെറുതായിരുന്നു, അതിൽ സ്വയം ക്രെഡിറ്റ് എടുക്കണമെന്ന് കരുതുന്നില്ല. എന്നിരുന്നാലും ഒന്ന് നമ്മൾ ചെയ്തതിലെ സന്തോഷം അറിയിച്ചതിൽ രണ്ട് ഗിഫ്റ്റ് തന്നുവെന്നത്.ഐസിയുവിൽ ക്രിട്ടിക്കൽ അവസ്ഥയിൽ കിടന്ന രോഗിയാണ്. എന്തായാലും മറ്റുള്ളവർ സന്തോഷിക്കുന്നു എന്നറിഞ്ഞതിൽ ഞാൻ ഹാപ്പിയാണ്', എലിസബത്ത് പറഞ്ഞു. നിരവധി പേരാണ് എലിസബത്തിന്റെ വീഡിയോയ്ക്ക് താഴെ കമന്റുമായി എത്തിയത്.