നടന്‍ ബാല പുതിയൊരു വിവാഹ ജീവിതത്തിലേക്ക് കടന്നിരിക്കുകയാണ്. ബന്ധുവും ചെന്നൈ സ്വദേശിനിയുമായ കോകിലയാണ് വധു. ബാലയുടെ മൂന്നാമത്തെ വിവാഹമാണിത്. ഗായിക അമൃത സുരേഷുമായുള്ള വിവാഹ ബന്ധം വേർപെടുത്തി വർഷങ്ങള്‍ക്ക് ശേഷമായിരുന്നു എലിസബത്ത് എന്ന വ്യക്തിയെ ബാല വിവാഹം ചെയ്യുന്നത്. ഈ ബന്ധം അധിക നാള്‍ നീണ്ടില്ല. ഇതിന് ശേഷമാണ് ഇപ്പോള്‍ കോകിലയുമായുള്ള വിവാഹം. എന്നാലിപ്പോഴിതാ ഡോക്ടർ കൂടിയായ എലിസബത്ത് നേരത്തെ പങ്കുവെച്ച വീഡിയോയും ഇപ്പോള്‍ ചർച്ചാ വിഷയമായി മാറിയിട്ടുണ്ട്. എന്‍ പി ഡി അഥവാ നാർസിസിസ്റ്റിക് പേഴ്സണാലിറ്റി ഡിസോഡർ എന്ന രോഗാവസ്ഥയെ കുറിച്ച് എലിസബത്ത് പറയുന്ന കാര്യങ്ങളില്‍ ചില സൂചനയുണ്ടെന്നാണ് പ്രേക്ഷകർ പറയുന്നത്. ആരുടേയും പേര് എടുത്ത് പറയാതെയാണ് എലിസബത്ത് തന്റെ വീഡിയോ ചെയ്യുന്നത്. എന്‍ പി ഡിയുള്ള ഒരു പാട്ണറാണ് നമുക്കെങ്കില്‍ വളരെ സമ്മർദത്തിലൂടെയായിരിക്കും കടന്നുപോകേണ്ടി വരിക. ഞാന്‍ എന്തെങ്കിലും ചെയ്യാത്തതുകൊണ്ടാണോ ഈ പ്രശ്നങ്ങള്‍ ഉണ്ടാകുന്നതെന്ന ഒരു സംശയം എപ്പോഴും ഉണ്ടാകും. എന്നാല്‍ ഈ സംശയത്തെക്കുറിച്ച് എന്‍ പി ഡിയുള്ള പാട്ണറുമായി സംസാരിക്കാനും പറ്റില്ല. അങ്ങനെ സംസാരിക്കുകയാണെങ്കില്‍ വ്യത്യസ്ത തരത്തിലുള്ള മറുപടിയായിരിക്കും ഉണ്ടാകുക. അതായത് ചിലപ്പോള്‍ ദേഷ്യപ്പെട്ട് ബന്ധം വരെ വേർപെടുത്തിയേക്കാം. അല്ലെങ്കില്‍ നിനക്ക് വട്ടാണെന്നും പറഞ്ഞ് അവോയിഡ് ചെയ്യും. ആ സംശയം തീർക്കാന്‍ അവർ സമ്മതിക്കില്ല. മറ്റൊരു കാര്യം എന്ന് പറയുന്നത്. ഇവരുടെ ജീവിതം മുഴുവന്‍ നുണകളുടെ മുകളില്‍ കെട്ടിപടുത്തതായിരുന്നു. അതായത് എല്ലാ കാര്യങ്ങളും മാനിപ്പുലേറ്റ് ചെയ്ത് കൊണ്ടുപോകും എന്നായിരുന്നു എലിസബത്ത് നേരത്തെ പറഞ്ഞ്. ഈ വിഡിയോ ആണ് ഇപ്പോൾ വൈറലായി മാറുന്നത്.