ബാലയും അദ്ദേഹത്തിന്റെ നാലാം ഭാര്യയുമാണ് ഇപ്പോള്‍ സോഷ്യല്‍ മീഡിയയില്‍ നിറഞ്ഞുനില്‍ക്കുന്നത്. വിവാഹത്തിന് പിന്നാലെ എല്ലാവര്ക്കും അറിയേണ്ടത് കോകിലയെ കുറിച്ചാണ്. തമിഴ്‌നാട് സ്വദേശി ആയ കോകില ബാലയുടെ മാമന്റെ മകൾ എന്നാണ് ബാല പറഞ്ഞത്. തന്നെക്കാൾ 21 വയസ്സിനു താഴെയാണ് എന്നും ബാല പറയുകയുണ്ടായി. തന്റെ കോടിക്കണക്കിനു രൂപയുടെ അനന്തര അവകാശി. അധികം വൈകാതെ തന്റെ കുഞ്ഞിന്റെ അമ്മയാകാൻ പോകുന്ന ആൾ എന്നിങ്ങനെ ഭാര്യയെ കുറിച്ച് വാ തോരാതെ ബാല സംസാരിച്ചത്. കോകിലയെ കുറിച്ച് കൂടുതല്‍ വിവരങ്ങള്‍ തേടിയിറങ്ങിയ ആരാധകര്‍ ഇപ്പോഴിതാ, ദിവസങ്ങള്‍ നീണ്ട തിരച്ചിലിനൊടുവില്‍ കോകിലയുടെ ഇന്‍സ്റ്റഗ്രാം അക്കൗണ്ടും കണ്ടെത്തിയിരിക്കുകയാണ്. കോഫീ ഷോപ്പിലെ ചിത്രങ്ങളുമായി ഒരു വര്‍ഷം മുമ്പ് ഇന്‍സ്റ്റഗ്രാമില്‍ സജീവമായി തുടങ്ങിയ കോകില ഷോപ്പില്‍ കോഫിയുണ്ടാക്കുന്നതും മനോഹരമായ കോഫികള്‍ എങ്ങനെയാണ് ഉണ്ടാക്കുന്നത് എന്നതടക്കമുള്ള ചിത്രങ്ങളും വീഡിയോകളുമാണ് ഇന്‍സ്റ്റഗ്രാമില്‍ പോസ്റ്റ് ചെയ്തു തുടങ്ങിയിരിക്കുന്നത്. ഒപ്പം ക്യാമറയില്‍ പകര്‍ത്തിയ അതിമനോഹരമായ തന്റെ ചിത്രങ്ങളും ബീച്ചിലേയും റിസോര്‍ട്ടിലേയും എന്നു വേണ്ട നല്ല ഓര്‍മ്മകള്‍ സമ്മാനിച്ചതെല്ലാം കോകില തന്റെ അക്കൗണ്ടില്‍ പങ്കുവച്ചിട്ടുണ്ട്. കോകില എന്ന പേരിൽ കോകോ കോക്സ് എന്നറിയപ്പെടുന്ന കോകില ഹെൽത്തും ബ്യൂട്ടിയുമാണ് തന്റെ ഇഷ്ടമേഖലയായി ചേർത്തിരിക്കുന്നത്.

ദൈവം ജീവിതം മനോഹരമാക്കുമെന്നും മഹാദേവൻ തന്റെ ഇഷ്ടദൈവമെന്നും എന്റെ കിംഗ് ബാലയെന്നുമാണ് കോകില കുറിച്ചിരിക്കുന്നത്. മാസങ്ങൾക്ക് മുൻപാണ് കോകില ബാലയുടെ കൈപിടിച്ച് കോകിലയെത്തിയത്. ഒരു കോഫി ലവർ എന്നും കോഫി ഷോപ്പ് ഉദ്യോഗസ്ഥ എന്നും തോന്നിപ്പിക്കുന്ന തരത്തിലുള്ള പോസ്റ്റുകൾ ആണ് കോകില പങ്കുവച്ചത്. ഇടക്ക് വച്ച് ബാലയുടെ അമ്മയ്ക്ക് ഒപ്പമുള്ള സ്നേഹനിമിഷങ്ങളും കോകില പങ്കുവച്ചിട്ടുണ്ട്. ഏറെക്കാലമായി ബാലയെ പ്രണയിച്ച ആളാണ് കോകില എന്ന് അദ്ദേഹം തന്നെ പറഞ്ഞിരുന്നു. എന്നാൽ അപ്പോൾ വലിയ രീതിയിൽ ഉള്ള സൈബർ അറ്റാക്കും ബാല നേരിട്ടിരുന്നു. എന്നാൽ കോകില - ബാല ബന്ധം തുടങ്ങിയിട്ടിട്ട് നാളേറെ ആയെന്നു കോകിലയുടെ പോസ്റ്റുകളിൽ നിന്നും വ്യക്തമാണ്. കേരളത്തിൽ വെക്കേഷൻ ടൈം ചിലവിടുന്നതും ബാലയുടെ പുത്തൻ ലെക്സസ് കാറിൽ ട്രിപ്പുകൾ പോയതിന്റെയും പോസ്റ്റുകൾ കോകില പങ്കുവച്ചിട്ടുണ്ട്. എന്നാൽ അതെല്ലാം പരസ്യമാക്കിയത് വിവാഹത്തിന് ശേഷം ആണെന്ന് മാത്രം. കോകില വന്ന ശേഷം തന്റെ ജീവിതത്തിൽ ഒരുപാട് മാറ്റങ്ങൾ സംഭവിച്ചു എന്നും താനും കോകിലയും രാജാവിനെയും റാണിയെയും പോലെ കഴിയും എന്നും ബാല പറഞ്ഞിരുന്നു. അത് അങ്ങനെ നടക്കട്ടെ എന്നാണ് ഇപ്പോൾ ആരാധകർ ആശംസിക്കുന്നത്.