നടൻ ദുൽഖർ നായകനായി എത്തുന്ന ലക്കി ഭാസ്കറിന്റെ റിലീസിനായുള്ള കാത്തിരിപ്പിലാണ് ആരാധകർ . ഒക്ടോബർ 31 നാണു ചിത്രം തീയേറ്ററുകളിൽ എത്തുക . ഇപ്പോഴിതാ ചിത്രത്തിന്റെ പ്രീ റിലീസ് ചടങ്ങിൽ ദുൽഖറിനെ പുകഴ്ത്തുന്ന അടുത്ത സുഹൃത്തുകൂടിയായ സൂപ്പർ താരം വിജയ് ദേവരകൊണ്ടെയുടെ വാക്കുകളും ദുൽഖറിന്റെ മറുപടിയുമാണ് വൈറലാകുന്നത്. സൗഹൃദമോ പരിചയമോ ഇല്ലാതിരുന്നപ്പോൾ പോലും താൻ ദുൽഖറിന്റെ സിനിമകൾ തേടിപിടിച്ച് ടോറന്റ് വെബ്സൈറ്റ് വഴി കാണുമായിരുന്നെന്ന് വിജയ് ദേവരകൊണ്ട പറയുന്നത് . ‘‘ദുൽഖറിനെ ആദ്യമായി കാണുന്നത് മഹാനടിയുടെ സെറ്റിൽ വെച്ചാണ്. ചിത്രത്തിന്റെ പ്രീ റിലീസ് ചടങ്ങിനിടെ സുഹൃത്തുക്കളായി. സൗഹൃദം വളർന്നതോടെ സീതാരാമത്തിന്റെ സെറ്റിൽ പോയി വരെ ദുൽഖറിനെ കാണുമായിരുന്നു’. മഹാനടിയിലും കൽക്കി 2898 എഡിയിലും ഒരുമിച്ച് അഭിനയിച്ചെങ്കിലും സ്ക്രീൻ പങ്കിടാനായില്ലെന്ന വിഷമവും താരം പങ്കുവെച്ചു. മറുപടിയായി വിജയ് ദേവരകൊണ്ടയെ ‘ലക്കി ചാം’ എന്നാണ് ദുൽഖർ വിശേഷിപ്പിച്ചത്. ഇരുവരും തമ്മിലുള്ള സൗഹൃദത്തെക്കുറിച്ചും ദുൽഖർ വാചാലനാകുകയായിരുന്നു.