ടെലിവിഷന്‍ താരം നിതിന്‍ ചൗഹാന്‍ അന്തരിച്ചു. 35 വയസായിരുന്നു. നിതിന്‍ ആത്മഹത്യ ചെയ്തതായാണ് വിവരം. യുപിയിലെ അലിഗഡ് സ്വദേശിയാണ്. 'ദാദാഗിരി 2' എന്ന റിയാലിറ്റി ഷോയിലൂടെ പ്രശസ്തനായ ടെലിവിഷന്‍ നടനാണ് നിതിന്‍ ചൗഹാന്‍.

'ദാദാഗിരി 2' വിജയിച്ചതിന് ശേഷം ജനപ്രീതി നേടിയ താരം പിന്നീട് സ്പ്ലിറ്റസ് വില്ല, സിന്ദഗി ഡോട്ട് കോം, ക്രൈം പട്രോള്‍, ഫ്രണ്ട്സ് തുടങ്ങി നിരവധി ഷോകളില്‍ അഭിനയിച്ചിട്ടുണ്ട്.

2022ലെ 'തേരാ യാര്‍ ഹൂന്‍ മെയ്ന്‍' ആണ് താരം അവസാനമായി അവതരിപ്പിച്ച ഷോ. 'എന്റെ പ്രിയപ്പെട്ടവനേ, സമാധാനത്തോടെ വിശ്രമിക്കൂ. ഞാന്‍ ശരിക്കും ഞെട്ടിപ്പോയി, ദുഃഖിതനാണ്. എല്ലാ പ്രശ്നങ്ങളെയും നേരിടാനുള്ള കരുത്ത് നിനക്കുണ്ടായിരുന്നെങ്കില്‍ എന്ന് ഞാന്‍ ആഗ്രഹിക്കുന്നു'- സഹനടന്‍ വിഭൂതി താക്കൂര്‍ സോഷ്യല്‍ മീഡിയ പോസ്റ്റില്‍ കുറിക്കുകയും ചെയ്തു.