ഹൈക്കോടതിയുടെ ഇടക്കാല ജാമ്യ ഉത്തരവിന്റെ ഒപ്പിട്ട പകര്പ്പ് ലഭിച്ചില്ല.... അല്ലു അര്ജുന് ജയിലില് തുടരുന്നു, പകര്പ്പ് ലഭിക്കുന്നതോടെ അല്ലുവിന് പുറത്തിറങ്ങാനാകും
ഹൈക്കോടതിയുടെ ഇടക്കാല ജാമ്യ ഉത്തരവിന്റെ ഒപ്പിട്ട പകര്പ്പ് ലഭിച്ചില്ല.... അല്ലു അര്ജുന് ജയിലില് തുടരുന്നു, പകര്പ്പ് ലഭിക്കുന്നതോടെ അല്ലുവിന് പുറത്തിറങ്ങാനാകും.പുഷ്പ 2 സിനിമയുടെ റിലീസിനിടെയുണ്ടായ തിക്കിലും തിരക്കിലും യുവതി മരിച്ച കേസില് തെലങ്കാന ഹൈക്കോടതിയില് നിന്ന് ഇടക്കാല ജാമ്യം ലഭിച്ചിരുന്നെങ്കിലും അതിന്റെ പകര്പ്പ് കിട്ടിയില്ല. ഹൈക്കോടതിയുടെ ഇടക്കാല ജാമ്യ ഉത്തരവിന്റെ ഒപ്പിട്ട പകര്പ്പ് ലഭിക്കാത്തതിനെ തുടര്ന്ന് നടനെ, ചഞ്ചല്ഗുഡ ജയിലിലേക്ക് മാറ്റി.
ഇന്ന് പകര്പ്പ് കിട്ടുന്നതോടെ അല്ലുവിന് പുറത്തിറങ്ങാനാകും. ഇന്നലെ രാവിലെ അറസ്റ്റിലായ താരത്തെ, ഹൈദരാബാദിലെ നാന്പള്ളി മജിസ്ട്രേട്ട് കോടതി 14 ദിവസത്തേക്ക് റിമാന്ഡ് ചെയ്തിരുന്നെങ്കിലും മണിക്കൂറുകള്ക്കുള്ളില് തെലങ്കാന ഹൈക്കോടതി ഇടക്കാല ജാമ്യം അനുവദിക്കുകയായിരുന്നു.
വൈകുന്നേരത്തോടെ പുറത്തിറങ്ങാനാകുമെന്നായിരുന്നു പ്രതീക്ഷയെങ്കിലും ഉത്തരവ് വൈകിയത് തിരിച്ചടിയായി. അല്ലു അര്ജുന്റെ അറസ്റ്റില് കടുത്ത പ്രതിഷേധവുമായി ആരാധക കൂട്ടായ്മ രംഗത്തെത്തിയിട്ടുണ്ട്. തെലങ്കാനയില് വലിയ രീതിയിലുള്ള പ്രതിഷേധമാണ് ഉയരുന്നത്. അല്ലു അര്ജുന്റെ അറസ്റ്റില് പുകയുകയാണ് തെലങ്കാന രാഷ്ട്രീയവും തെലുങ്ക് സിനിമാ ലോകവും.
അതേസമയം, നിയമത്തിന് മുന്നില് എല്ലാവരും തുല്യരാണെന്ന് തെലങ്കാന മുഖ്യമന്ത്രി രേവന്ത് റെഡ്ഡി . അല്ലു അര്ജുന്റെ മനുഷ്യാവകാശത്തെക്കുറിച്ച് എല്ലാവരും സംസാരിക്കുന്നു. മരിച്ച സ്ത്രീക്ക് മനുഷ്യാവകാശങ്ങള് ഉണ്ടായിരുന്നില്ലേയെന്നും അവരുടെ മകന് ഇപ്പോഴും ഗുരുതരാവസ്ഥയില് ആശുപത്രിയിലാണ്. അതേക്കുറിച്ച് ആരും സംസാരിക്കാത്തത് എന്താണെന്നും രേവന്ത് റെഡ്ഡി ചോദിക്കുന്നു..
https://www.facebook.com/Malayalivartha
