പേളി മാണിക്കും കുഞ്ഞുങ്ങള്ക്കുമൊപ്പം നയന്താര
പേളി മാണിയുടെ കുഞ്ഞുമക്കളായ നിലയെയും നിതാരയെയും കയ്യിലെടുത്തു നില്ക്കുന്ന നയന്താരയുടെ ചിത്രമാണ് സമൂഹ മാധ്യമങ്ങളില് വൈറല്. ആരാധകരുടെ മനസ്സില് ഒരു രാജ്ഞിയായ നയന്താര താരജാടകളില്ലാതെ എല്ലാവരോടും കരുണയോടും സ്നേഹത്തോടും ഇടപെടുന്ന വലിയ വ്യക്തിത്വത്തിനുടമയാണെന്നും സമൂഹ മാധ്യമങ്ങളില് പങ്കുവച്ച കുറിപ്പിനൊപ്പം പേര്ളി മാണി പറയുന്നു.
''നയന്താര, നമ്മുടെ കാലത്തെ യഥാര്ഥ നക്ഷത്രം. ഞാന് ഏറെ ആരാധിക്കുന്ന ഒരാളെ ഒരിക്കല് കൂടി കണ്ടുമുട്ടിയതും അവര് എന്റെ കുഞ്ഞുങ്ങളെ ചേര്ത്തു പിടിക്കുന്നതും കണ്ടപ്പോള് അത് സ്വപ്നമോ യാഥാര്ഥ്യമോ എന്നറിയാന് കഴിയാത്ത അവസ്ഥയായിരുന്നു എനിക്ക്. ചില നിമിഷങ്ങള് നിങ്ങളുടെ ഹൃദയത്തെ സ്നേഹത്താല് വീര്പ്പുമുട്ടിക്കും. നയന്താര എന്റെ കുഞ്ഞുങ്ങളോടൊപ്പം ഏറെ കരുതലോടെയും വാത്സല്യത്തോടെയും സമയം ചെലവഴിച്ചത് ഞാന് എന്നെന്നേക്കും എന്റെ നെഞ്ചില് ചേര്ത്തുവയ്ക്കുന്ന വിലപ്പെട്ട ഓര്മ്മകളായിരിക്കും.
ആരാധകരുടെ മനസ്സില് യഥാര്ഥ രാജ്ഞിയായ ശക്തിയുടെ പര്യായമായ നയന്താര അതേസമയം തന്നെ എല്ലാവരോടും ഏറെ സ്നേഹത്തോടും കരുതലോടും പെരുമാറുന്ന ഊഷ്മളമായ സ്നേഹത്തിന്റെ ഉറവിടമാണ്. അവര് എല്ലാവര്ക്കും ശരിക്കും പ്രചോദനം തന്നെയാണ്. ഈ സുന്ദരമായ ആത്മാവിനും പോകുന്നിടത്തെല്ലാം അവര് പകരുന്ന സ്നേഹത്തിനും നന്ദി. നിങ്ങളുടെ അതിശയകരമായ വ്യക്തിത്വത്തിനും ഞങ്ങള്ക്കായി ചെലവഴിച്ച നിമിഷങ്ങള്ക്കും നന്ദി.''-പേളിയുടെ വാക്കുകള്.
https://www.facebook.com/Malayalivartha
