വെറുതെയിരുന്ന് കൊടുത്താൽ കിട്ടുന്നത് ലക്ഷങ്ങൾ! ഒരു വിഹിതം കിട്ടിയാല്‍ മതിയായിരുന്നു- തുറന്നു പറഞ്ഞ് ദിലീപ്
കടുത്ത വിമർശനങ്ങള്‍ നേരിടുമ്പോഴും വലിയൊരു വിഭാഗം മലയാളം ടിവി പ്രേക്ഷകരുടേയും ഇഷ്ടപ്പെട്ട പരിപാടിയായിരുന്നു ഫ്ലവേഴ്സ് ചാനലില്‍ സംപ്രേക്ഷണം ചെയ്തിരുന്ന സ്റ്റാർ മാജിക്. മലയാളത്തിലെ പ്രമുഖ മിമിക്രി താരങ്ങളും സീരിയല്‍ താരങ്ങളും അണിനിരന്ന സ്റ്റാർ മാജിക് വേദി വീടകങ്ങളില്‍ ചിരിപടർത്തി. സീരിയലില്‍ നെഗറ്റീവ് കഥാപാത്രങ്ങള്‍ ചെയ്ത പല താരങ്ങളുടേയും ജനപ്രീതി വർധിപ്പിക്കാനും സ്റ്റാർമാജിക്കിലൂടെ സാധിച്ചു.സ്റ്റാർ മാജിക്കിലൂടെ താരങ്ങളായവരും അതിലൂടെ ഒരു സ്ഥിരവരുമാനം കണ്ടെത്തിയവരുമുണ്ട്. കോവിഡ് കാലത്തുള്‍പ്പെടെ സ്റ്റാർമാജിക് എങ്ങനെ തങ്ങള്‍ക്ക് സഹായകരമായെന്ന് തുറന്ന് പറഞ്ഞ് നിരവധി താരങ്ങള്‍ നേരത്തെ മുന്നോട്ട് വന്നിരുന്നു. വർഷങ്ങളായി വിജയകരമായി മുന്നോട്ട് പോയിക്കൊണ്ടിരുന്ന ഷോ അടുത്തിടെ അപ്രതീക്ഷിതമായി അവസാനിപ്പിച്ചത് ഏവരേയും അമ്പരിപ്പിച്ചു.
എന്നാലിപ്പോഴിതാ സ്റ്റാര്‍ മാജിക്കിന് ശേഷം ലക്ഷ്മി നക്ഷത്ര അവതാരകയായിട്ട് എത്തുന്ന ടെലിവിഷന്‍ പരിപാടിയാണ് സൂപ്പര്‍ ഷോ. സീ കേരളം ചാനലില്‍ ആരംഭിക്കുന്ന ഷോയുടെ പ്രൊമോ വീഡിയോകള്‍ പുറത്തുവന്നിരിക്കുകയാണ്. ജനപ്രിയ നടന്‍ ദിലീപ്, സുരാജ് വെഞ്ഞാറമൂട്, ധ്യാന്‍ ശ്രീനിവാസന്‍, നടി നവ്യ നായര്‍ എന്നിവരാണ് ആദ്യദിവസം ഷോയില്‍ പങ്കെടുക്കാന്‍ എത്തിയത്. താരങ്ങളെ വേദിയിലിരുത്തിയശേഷം രസകരമായ ചോദ്യങ്ങളാണ് ലക്ഷ്മി ചോദിക്കുന്നത്. അതിലൊന്ന് ഭക്ഷണം പാചകം ചെയ്യുന്നതിനെ കുറിച്ചായിരുന്നു. കൂട്ടത്തില്‍ ഏറ്റവും നല്ല കുക്ക് ആരാണെന്ന ചോദ്യത്തിന് സൂരാജ് തന്റെ പേര് തന്നെയാണ് പറഞ്ഞത്. മട്ടന്‍ കറിയൊക്കെ താന്‍ സൂപ്പറായി ഉണ്ടാക്കുമെന്നും നടന്‍ പറഞ്ഞു. മറ്റൊരു ചോദ്യം യൂട്യൂബ് ചാനല്‍ തുടങ്ങാന്‍ നിങ്ങള്‍ തീരുമാനിച്ചാല്‍ അതിനെന്ത് പേരിടും എന്നതായിരുന്നു. നവ്യ നായര്‍ക്ക് നേരത്തെ യൂട്യൂബ് ചാനല്‍ ഉള്ളതിനാല്‍ ബാക്കിയുള്ളവരോടാണ് ചോദ്യം. എന്നാല്‍ ഇതിന് ദിലീപ് നല്‍കിയ മറുപടിയാണ് ഇപ്പോള്‍ ശ്രദ്ധേയമായിരിക്കുന്നത്. യൂട്യൂബിന് ഇടാന്‍ ഉദ്ദേശിക്കുന്ന പേരിനെ പറ്റി ധ്യാന്‍ ശ്രീനിവാസനോട് ചോദിച്ചാല്‍ താന്‍ ധ്യാനകേന്ദ്രം എന്ന പേര് നല്‍കുമെന്നാണ് ഹാസ്യരൂപേണ ധ്യാന്‍ മറുപടി പറഞ്ഞത്. സുരാജ് വെഞ്ഞാറമൂട് ആണെങ്കില്‍ വെഞ്ഞാറമൂടുമായി ബന്ധമുള്ള രീതിയില്‍ മൂഡ് എന്ന പേരിടും എന്നും പറയുന്നു. പിന്നാലെ ദിലീപിനോട് ആയി ചോദ്യം.
ഞാന്‍ സ്വന്തമായി ചാനല്‍ തുടങ്ങിയിട്ട് ഇല്ലെങ്കിലും എന്റെ പേരില്‍ യൂട്യൂബുമായി ജീവിക്കുന്ന ഒരുപാട് ആളുകള്‍ ഉണ്ടെന്ന് നടന്‍ പറയുന്നു. 'ഞാന്‍ കാരണം യൂട്യൂബ് ചാനലുകള്‍ തുടങ്ങിയ ഒരുപാട് ആളുകളുണ്ട്. ഞാനൊന്ന് വെറുതെ ഇരുന്നു കൊടുത്താല്‍ മതി. അതിലൂടെ അവരൊക്കെ ലക്ഷങ്ങളാണ് ഉണ്ടാക്കുന്നത്. ഞാന്‍ സ്വന്തമായി ചാനല്‍ തുടങ്ങിയില്ലെങ്കിലും ഇവരൊക്കെ എന്നെ കൊണ്ട് ഉണ്ടാക്കുന്നതിന്റെയൊക്കെ ഒരു വിഹിതം എനിക്ക് തന്നാല്‍ മതിയായിരുന്നു. കേശു ഈ വീടിന്റെ നാഥന്‍ എന്ന് പറയുന്ന പോലെ ഞാനാണ് അവരുടെ ഐശ്വര്യം. അവരുടെയൊക്കെ അംബാസിഡര്‍ ആണ് ഞാന്‍' എന്നും ദിലീപ് പറയുന്നു. അതിനര്‍ത്ഥം ദിലീപേട്ടന്‍ യൂട്യൂബ് ചാനല്‍ തുടങ്ങില്ല എന്നാണോ എന്ന ലക്ഷ്മിയുടെ മറുചോദ്യത്തിന് താന്‍ അങ്ങനെയല്ല പറഞ്ഞതൊന്നും യൂട്യൂബ് ചാനല്‍ തുടങ്ങുമോ ഇല്ലയോ എന്നൊന്നും പറയാന്‍ പറ്റില്ലെന്നും ദിലീപ് കൂട്ടിചേര്‍ത്തു. വളരെ തമാശയോടെ ദിലീപ് പറഞ്ഞ വാക്കുകള്‍ വൈറല്‍ ആവുകയാണ്.
https://www.facebook.com/Malayalivartha
