ജോഫിൻ ടി ചാക്കോ സംവിധാനം ചെയ്ത് ആസിഫ് അലി, അനശ്വര രാജൻ എന്നിവർ കേന്ദ്ര കഥാപാത്രങ്ങളായി എത്തിയ ഇൻവെസ്റ്റിഗേഷൻ ഡ്രാമ സിനിമയാണ് രേഖാചിത്രം. എന്തായാലും സിനിമ വൻ വിജയത്തോടെ തന്നെ തിയറ്ററിൽ നിറഞ്ഞൊടുകയാണ്. രേഖാചിത്രം എന്ന സിനിമയിൽ നടൻ മമ്മൂട്ടിയുടെ കടുത്ത ആരാധികയായ അനശ്വര അദ്ദേഹത്തിനൊപ്പം ഫോട്ടോയെടുത്ത് അതിൽ ഓട്ടോഗ്രാഫ് വാങ്ങി. ഈ ചിത്രങ്ങൾ അനശ്വര തന്നെ സമൂഹമാധ്യമങ്ങളിൽ പങ്കുവെച്ചിട്ടുണ്ട്. ഇതിൽ മമ്മൂട്ടിയുടെ ആരാധിക രേഖ എന്ന ടൈറ്റിൽ ക്യാരക്ടറിലാണ് അനശ്വര എത്തിയത്. ജീവിതത്തിലും ഒരു മമ്മൂട്ടി ഫാനായ തനിക്ക് ഈ കഥാപാത്രം ചെയ്യാനായതിന്റെ സന്തോഷത്തിലാണ് നടി.ഒരാഴ്ചമുൻപ് അണിയറപ്രവർത്തകർ മമ്മൂട്ടിയുടെ വീട്ടിൽ ഒന്നിച്ചപ്പോഴാണ് മമ്മൂക്കയ്ക്കൊപ്പം ആ ഫാൻ മൊമന്റ് ചിത്രം അനശ്വര പകർത്തിയത്. മമ്മൂക്കയെ വീണ്ടും കാണാൻ അവസരം കിട്ടിയപ്പോൾ ആ ഫോട്ടോ പ്രിന്റടിച്ച് കയ്യിൽ കരുതി. അതിൽ സ്നേഹപൂർവം മമ്മൂട്ടിച്ചേട്ടൻ എന്നെഴുതി ഒപ്പിട്ടു വാങ്ങുകയായിരുന്നു.പ്രിയപ്പെട്ട മമ്മൂട്ടി ചേട്ടന്; ഒത്തിരി സ്നേഹത്തോടെ അനുജത്തി രേഖ പത്രോസ് എന്ന ക്യാപ്‍ഷനോടെ മമ്മൂട്ടിക്കൊപ്പമുള്ള ചിത്രം അനശ്വര ഇൻസ്റ്റ​ഗ്രാമിൽ പങ്കുവെച്ചിട്ടുണ്ട്. വളരെ പെട്ടന്ന് തന്നെ ചിത്രങ്ങൾ വൈറലായി മാറി.