പ്രിയദര്‍ശിനി രാംദാസിന്റെ ക്യാരക്ടര്‍ പോസ്റ്റര്‍ പുറത്തിറക്കി...
എമ്പുരാനില്‍ മഞ്ജു വാര്യര്‍ അവതരിപ്പിക്കുന്ന പ്രിയദര്‍ശിനി രാംദാസ് എന്ന കഥാപാത്രത്തിന്റെ ക്യാരക്ടര്‍ പോസ്റ്റര്‍ അണിയറ പ്രവര്‍ത്തകര്‍ പുറത്തിറക്കി. പ്രിയദര്‍ശിനി രാംദാസ് മുമ്പത്തെക്കാള്‍ ശക്തയാണെന്ന് പോസ്റ്രര്‍ അടയാളപ്പെടുത്തുന്നു. പുതുവര്‍ഷത്തില്‍ ആദ്യ മഞ്ജു വാര്യര്‍ കഥാപാത്രം കൂടിയാണ് പ്രിയദര്‍ശിനി രാംദാസ്. എമ്പുരാന്റെ ഭാഗമാകാന്‍ കഴിഞ്ഞതിലും പ്രിയദര്‍ശിനി രാംദാസ് എന്ന കഥാപാത്രത്തെക്കുറിച്ചും മഞ്ജു വാര്യര്‍ സന്തോഷം പ്രകടിപ്പിച്ചു.
'ലാലേട്ടനൊപ്പം അഭിനയിച്ച ഓരോ കഥാപാത്രങ്ങളും എനിക്ക് പ്രേക്ഷകരുടെ ഹൃദയത്തില്‍ ഒരു പ്രത്യേക സ്ഥാനം നല്‍കി. എന്റെ അവിസ്മരണീയമായ ചില വേഷങ്ങള്‍ നോക്കിയാല്‍, അവയില്‍ പലതും ലാലേട്ടനൊപ്പം ചെയ്ത സിനിമകള്‍ ആയിരിക്കും.' മഞ്ജു വാര്യര്‍ പറഞ്ഞു. ലൂസിഫറില്‍ അഭിനയിച്ച ടൊവിനോ തോമസ്, സാനിയ അയ്യപ്പന്‍, ഇന്ദ്രജിത്ത് എന്നിവരുടെ ക്യാരക്ടര്‍ പോസ്റ്റര്‍ കഴിഞ്ഞദിവസം പുറത്തിറങ്ങി.
അബ്രാം ഖുറേഷിയായി മോഹന്‍ലാലിന്റെയും സായിദ് മസൂദ് ആയി പൃഥിരാജിന്റെയും ക്യാരക്ടര്‍ പോസ്റ്റര്‍ പുറത്തിറങ്ങുന്നതിന് ഉറ്റുനോക്കുകയാണ് ആരാധകര്‍. ലൂസിഫറിന്റെ സ്വീക്വല്‍ ആയി പുറത്തിറങ്ങുന്ന എമ്പുരാന്‍ മാര്‍ച്ച് 27ന് ലോകവ്യാപകമായി റിലീസ് ചെയ്യും. ആശിര്‍വാദ് സിനിമാസിന്റെയും രാജ്യത്തെ പ്രമുഖ നിര്‍മ്മാതാക്കളായ ലൈക്ക പ്രൊഡക്ഷന്‍സിന്റെയും ബാനറില്‍ ആണ് നിര്‍മ്മാണം.
https://www.facebook.com/Malayalivartha
