റിലീസ് ദിവസം മലയാളത്തിലെ ഏറ്റവും മികച്ച ഓപ്പണറായി എമ്പുരാന്‍ നേരത്തെ റെക്കോര്‍ഡ് സൃഷ്ടിച്ചിരുന്നു. ഇപ്പൊ സിനിമ റിലീസ് ആയി രണ്ടാം ദിവസം ലോകമെമ്പാടുമായി ബോക്‌സ് ഓഫീസില്‍ 100 കോടി നേടിയിരിക്കുകയാണ് ചിത്രം. നിര്‍മാണ കമ്പനിയായ ആശിര്‍വാദ് സിനിമാസ് ആണ് ഇക്കാര്യം സോഷ്യല്‍ മീഡിയയിലൂടെ അറിയിച്ചത്.

'48 മണിക്കൂറിനുള്ളില്‍ ലോകമെമ്പാടും ബോക്‌സ് ഓഫീസില്‍ 100 കോടി കവിഞ്ഞു. സിനിമാ ചരിത്രത്തില്‍ പുതിയ മാനദണ്ഡങ്ങള്‍ സൃഷ്ടിച്ചു. ഈ അസാധാരണ വിജയത്തിന്റെ ഭാഗമായതിന് നിങ്ങള്‍ക്കെല്ലാവര്‍ക്കും ഹൃദയംഗമമായ നന്ദി! നിങ്ങളുടെ സ്‌നേഹവും പിന്തുണയും ഇത് സാധ്യമാക്കി.

' ആശിര്‍വാദ് സിനിമാസ് ഇസ്റ്റഗ്രാമില്‍ കുറിച്ചു. അഡ്വാന്‍സ് പ്രീസെയിലിലും ബുക്ക് മൈഷോയില്‍ ഏറ്റവും കൂടുതല്‍ ആളുകള്‍ ടിക്കറ്റെടുത്തും ചിത്രം റെക്കോര്‍ഡ് സൃഷ്ടിച്ചിരുന്നു. പൃഥിരാജ് സംവിധാനം ചെയ്ത് മുരളി ഗോപി എഴുതിയ സിനിമ മാര്‍ച്ച് 27നാണ് റിലീസ് ചെയ്തത്. സിനിമയിലെ രാഷ്ട്രീയം ഇതിനോടകം ചര്‍ച്ചയായിട്ടുണ്ട്. നിരവധിപേരാണ് സിനിമയെ അനുകൂലിച്ചും പ്രതികൂലിച്ചും എത്തിയിരിക്കുന്നത്