ഷാന് ജോണ്സന്റെ അവസാന ഈണം ഇതള് ഈ മാസം റിലീസിനൊരുങ്ങുന്നു
ഷാന് ജോണ്സന് അവസാനമായി ഈണം പകര്ന്ന മ്യൂസിക് ആല്ബമാണ് ഇതള്. കൃത്യമായി പറഞ്ഞാല് ഷാന് മരിക്കുന്നതിന്റെ തലേ ദിവസം റെക്കോഡിങ് പൂര്ത്തിയാക്കിയ ഗാനം. ഷാനിന്റെ ഈണത്തില് സുജാത പാടി പൂര്ത്തിയാക്കിയ ആല്ബത്തിന്റെ അടുത്ത ദിവസത്തെ റെക്കോര്ഡിങ്ങിന് പക്ഷെ ഷാന് ഉണ്ടായില്ല. അത് കൊണ്ട് തന്നെ, ആല്ബത്തിലെ ശേഷിക്കുന്ന ഗാനങ്ങള്ക്ക് ഷാന് നല്കാന് തയ്യാറാക്കി വച്ച ഈണങ്ങള് ഇനിയും പതിരാകാതെ അവസാനിക്കുന്നു.
ഷാന് ഈണം നല്കിയ അവസാന ഗാനമായ ഇതളില് നഷ്ടപ്രണയമാണ് വിഷയം. തന്റെ ജീവിതത്തില് അടുത്ത ദിവസം വരാനിരിക്കുന്ന വിധിയെ മുന്കൂട്ടി കണ്ടപോലെയാണ് ഷാന് ഈ ഗാനത്തിന് ഈണം പകര്ന്നത്. സംഗീത പ്രേമികളായ ഏവര്ക്കും ഇഷ്ടപെടുന്ന രീതിയില് ലളിതമായ ഈണത്തിലാണ് ഷാന് ഇത് ചിട്ടപ്പെടുത്തിയിരിക്കുന്നത്.
വിദേശ മലയാളി കൂട്ടായ്മയായ ഉത്സവ് ക്രിയേഷന്സിന്റെ ബാനറില് പരസ്യ സംവിധായകനായ ഗുരുലാല് ആണ് ഇതള് സംവിധാനം ചെയ്തിരിക്കുന്നത്. ഉണ്ണി മാഞ്ഞാലില് എഴുതിയ വരികള്ക്കാണ് ഷാന് ശുദ്ധ സംഗീതത്തിലൂടെ ഈണം നല്കിയിരിക്കുന്നത്...ഇതള് ഈ മാസം യൂടൂബില് റിലീസ് ചെയ്യും.
https://soundcloud.com/arone-koduvath/shan-johnson-last-album-song
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
