സ്വകാര്യ ബസുകളുടെ സമയക്രമം ജി.പി.എസ്. സംവിധാനം ഉപയോഗിച്ച് പുനർനിർണയിക്കാനൊരുങ്ങി മോട്ടോർ വാഹനവകുപ്പ്

സ്വകാര്യ ബസുകളുടെ സമയക്രമം ജി.പി.എസ്. സംവിധാനം ഉപയോഗിച്ച് പുനർനിർണയിക്കാൻ മോട്ടോർ വാഹനവകുപ്പ്. റോഡിലെ തിരക്ക്, ട്രാഫിക് സിഗ്നൽ, സ്റ്റോപ്പുകളിലെ വൈകൽ, ഒരേ റൂട്ടിലെ പ്രിയദർശിനി ബസുകളുടെ എണ്ണം എന്നിവ കണക്കാക്കിയാകും പുതിയ 'റണ്ണിങ് ടൈം' നൽകുക. ബസുകളിലെ ജി.പി.എസ്. സംവിധാനത്തിലെ വിവരമാണ് ഇതിന് അടിസ്ഥാനമാക്കുക.
ഒരു റൂട്ടിൽ ശരാശരി എത്രസമയമെടുക്കുമെന്നും എത്രനേരം ഗതാഗതക്കുരുക്കിലും സിഗ്നലിലും കിടന്നുവെന്നും മനസ്സിലാക്കാനായി ഇതിലൂടെ കഴിയും. ഒരേ റൂട്ടിൽ ആവശ്യത്തിലധികം പ്രിയദർശിനി ഓടുന്നുണ്ടെങ്കിൽ കണ്ടെത്തി റൂട്ടുമാറ്റിവിടുന്നതും പരിഗണിക്കുന്നതാണ്.
സ്വകാര്യ ബസ്സുടമ പ്രതിനിധികളുമായി ഡെപ്യൂട്ടി ട്രാൻസ്പോർട്ട് കമ്മിഷണർ നടത്തിയ ചർച്ചയിലാണ് ധാരണയായത്.
എറണാകുളം, കോഴിക്കോട്, കണ്ണൂർ, പത്തനംതിട്ട ജില്ലകളിലെ ചർച്ച പൂർത്തിയായി. ഇപ്പോൾ വിവിധ നഗരങ്ങളിൽ സ്വകാര്യബസുകൾക്ക് ഒരുകിലോമീറ്റർ ഓടിയെത്താൻ വ്യത്യസ്ത സമയമാണ് അനുവദിച്ചിട്ടുള്ളത്.
കോഴിക്കോട് നഗരത്തിൽ സിറ്റിബസുകൾക്ക് ഒരുകിലോമീറ്റർ പിന്നിടാൻ മൂന്നുമിനിറ്റാണ് നൽകിയിട്ടുള്ളത്. നഗരത്തിന് പുറത്താണെങ്കിൽ രണ്ടര മിനിറ്റും. ഗതാഗതക്കുരുക്ക് ഉൾപ്പെടെയുള്ള കാരണങ്ങളാൽ പലപ്പോഴും ഈ സമയക്രമം പാലിക്കാൻ കഴിയില്ല. ഇതാണ് മരണപ്പാച്ചിലിനും അപകടങ്ങൾക്കും വഴിവെക്കുന്നത്. ഇതിന്റെ പശ്ചാത്തലത്തിൽ സമയക്രമം ശാസ്ത്രീയമായി പുനർനിർണയിക്കാനായി മന്ത്രി സി.പി. ജോൺ നിർദേശിച്ചിരുന്നു.
"
https://www.facebook.com/Malayalivartha

























