500, 1000 രൂപ നോട്ടുകളാണ് ഇപ്പോഴത്തെ ചര്‍ച്ച. എല്ലാവരും 500, 1000 രൂപ മാറ്റി പുതിയ നോട്ട് വാങ്ങാനുള്ള തിരക്കിലാണ്. അതിനിടെയിതാ ചില്ലറയാക്കാന്‍ കഴിയാതെ മോഹന്‍ലാല്‍ ചെയ്ത ഒരു രസകരമായ സംഭവം. ചില്ലറയില്ലാത്തതുകൊണ്ട് ഒരു പോസ്റ്റ് കാര്‍ഡ് അയയ്ക്കാന്‍ മോഹന്‍ലാല്‍ മടിച്ചതാണ് അത്. സ്റ്റാര്‍ ആന്റ് സ്‌റ്റൈലിന് നല്‍കിയ അഭിമുഖത്തിലാണ് മോഹന്‍ലാല്‍ അക്കാര്യം പറയുന്നത്.

വര്‍ഷങ്ങള്‍ക്ക് മുമ്പ് മഞ്ഞില്‍ വിരിഞ്ഞ പൂക്കളിലേക്ക് പുതുമുഖങ്ങളെ ആവശ്യപ്പെട്ട് പരസ്യം കണ്ടിട്ട് സുഹൃത്തുക്കളാണ് തന്നോട് അയയ്ക്കാന്‍ പറയുന്നത്. അയയ്ക്കാനായി പോസ്‌റ്റോഫീസില്‍ ചെന്നപ്പോള്‍ പറഞ്ഞു ചില്ലറയില്ല. ചില്ലറയാക്കിയിട്ട് വരൂ. ചില്ലറയാക്കാനുള്ള മടികൊണ്ട് അയയ്ക്കാതെ തിരിച്ചു പോരുകയും പോസ്റ്റ് കാര്‍ഡ് ചുരുട്ടി സ്‌കൂട്ടറിന്റെ സീറ്റിനടിയിലെ അറയില്‍ ഇട്ടു.ഇതറിഞ്ഞ സുരേഷ് കുമാര്‍ പോസ്റ്റ് കാര്‍ഡ് കണ്ടെടുത്ത് വീണ്ടും അയപ്പിച്ചു. അപേക്ഷ അയയ്ക്കാനുള്ള അവസാനത്തെ ഡേറ്റായിരുന്നു അന്ന്. അപേക്ഷ അയച്ചതിന് ശേഷം ഇന്റര്‍വ്യൂവിന് ചെന്നു. അവര്‍ പറഞ്ഞതെല്ലാം ഞാന്‍ ചെയ്തു.

എനിക്ക് സിനിമയില്‍ അഭിനയിക്കാന്‍ ക്ഷണം വന്നു. ഞാന്‍ അഭിനയിച്ചു തുടങ്ങി. ഇപ്പോള്‍ മുപ്പത്തിയാറ് വര്‍ഷമായി. അത് തുടരുന്നു. എങ്ങനെ ഇങ്ങനെ നിലനിന്നുവെന്ന് ദൈവത്തിന് മാത്രമാണ് അറിയുകയുള്ളൂമോഹന്‍ലാല്‍ പറയുന്നു.മഞ്ഞില്‍ വിരിഞ്ഞ പൂക്കളില്‍ തുടങ്ങിയത് ഇപ്പോള്‍ പുലിമുരുകന്റെ മഹാവിജയം വരെ എത്തി നില്‍ക്കുന്നു. 100 കോടി ബോക്‌സോഫിസില്‍ നേടിയ ചിത്രം 150 കോടിയിലേക്കാണ് നീങ്ങുന്നത്.