വീണ്ടും വ്യാജ വാര്‍ത്ത...ദയവു ചെയ്തു സോഷ്യല്‍ മീഡിയ അദ്ദേഹത്തെ കൊല്ലരുതെന്ന് മരുമകന്‍ ഷോണ്‍ ജോര്‍ജ്
വ്യാജ വാര്‍ത്തകള്‍ പ്രചരിപ്പിക്കുന്നത് സോഷ്യല്‍ മീഡിയ പതിവാക്കിയിരിക്കുകയാണ്. വാഹനാപകടത്തില്‍ ഗുരുതര പരിക്കേറ്റ നടന്‍ ജഗതി ശ്രീകുമാര്‍ സാധാരണ ജീവിതത്തിലേക്കു മടങ്ങി വരുന്നനിടയിലാണു സോഷ്യല്‍ മീഡിയ വീണ്ടും വ്യാജ വാര്‍ത്തയിലൂടെ അദ്ദേഹത്തെ കൊലപ്പെടുത്തിയത്. ജഗതി ശ്രീകുമാര്‍ മരിച്ചുവെന്നു വ്യാപകമായ പ്രചാരണമാണു നടക്കുന്നത്.
മനോരമ ന്യൂസ് ചാനലിന്റെ ലോഗോ വച്ചു നടത്തുന്ന പ്രചാരണം ആയതിനാല്‍ സോഷ്യല്‍ മീഡിയയിലെ തട്ടിപ്പുകള്‍ അറിയാത്ത പലരും ഇതു വിശ്വസിക്കുകയും ചെയ്തു. ജഗതി ശ്രീകുമാര്‍ ഹൃദയാഘാതം മൂലം മരിച്ചെന്നാണ് വാട്‌സ്ആപ്പ് ഉള്‍പ്പെടെയുള്ളവയിലൂടെ പ്രചാരണം നടക്കുന്നത്. വ്യാജ പ്രചാരണത്തെ തുടര്‍ന്നു ജഗതിയുടെ മരുമകന്‍ ഷോണ്‍ ജോര്‍ജ് പ്രതികരണവുമായി രംഗത്തെത്തി.
'ജഗതി ശ്രീകുമാര്‍ സുഖമായിരിക്കുന്നു ......... സോഷ്യല്‍ മീഡിയ ദയവു ചെയ്ത് അദ്ദേഹത്തെ കൊല്ലരുത് ഷോണ്‍ ജോര്‍ജ് ഫേസ്ബുക്കില്‍ കുറിച്ചു. മൂന്നു വര്‍ഷം മുമ്പുണ്ടായ അപകടത്തിനു ശേഷം ജഗതി സാധാരണ ജീവിതത്തിലേക്ക് തിരിച്ചു വരാന്‍ ശ്രമിക്കുമ്പോഴാണ് വ്യാജ വാര്‍ത്തകള്‍ വീണ്ടും ശക്തമായി പ്രചരിക്കുന്നത്.
കുറച്ചു നാള്‍ മുമ്പ് ആറ്റുകാല്‍ ക്ഷേത്രത്തില്‍ നടന്ന കാവടി മഹോത്സവത്തില്‍ പങ്കെടുക്കാന്‍ ജഗതി ശ്രീകുമാര്‍ കുടുംബാംഗങ്ങളോടൊപ്പം എത്തിയിരുന്നു. പൊതു പരിപാടികള്‍ വീണ്ടും അദ്ദേഹം പ്രത്യക്ഷപ്പെടുന്ന സാഹചര്യം വരെ ഉണ്ടായിരിക്കെയാണു വ്യാജവാര്‍ത്തകള്‍ പരക്കുന്നത്.
https://www.facebook.com/Malayalivartha
