ശില്പ ഷെട്ടിയ്ക്ക് പറ്റിയ അബദ്ധം!
വലിയ മണ്ടത്തരം കാരണം ബോളിവുഡ് നടി ശില്പാ ഷെട്ടി പുലിവാല് പിടിച്ചിരുന്നു. പ്രമുഖ ബ്രിട്ടീഷ് എഴുത്തുകാരന് ജോര്ജ് ഓര്വെല്ലിന്റെ 'ആനിമല്ഫാം' മൃഗങ്ങളെ കുറിച്ചുള്ള നല്ല പുസ്തകമാണെന്ന് പറഞ്ഞതാണ് ശില്പാ ഷെട്ടിയ്ക്ക് വിനയായത്. നടിയുടെ അഭിമുഖം പത്രങ്ങളിലും ഓണ്ലൈനിലും പ്രസിദ്ധീകരിക്കുകയും ചെയ്തു. സംഭവം പുറത്തറിഞ്ഞതോടെ നടിയെ ട്രോളന്മാര് ഏറ്റെടുത്തു.
റഷ്യന് വിപഌത്തിനു ശേഷമുള്ള സ്റ്റാലിന്റെ കാലഘട്ടത്തെ വിമര്ശിച്ചെഴുതിയ അനിമല്ഫാം എന്ന പുസ്തകത്തെ തെറ്റിദ്ധരിച്ചാണ് ശില്പ ഷെട്ടിയുടെ പരാമര്ശം. ട്രോളുകളുടെ എണ്ണം പെരുകിയതോടെ വിശദീകരണവുമായി നടി തന്നെ നേരിട്ട് രംഗത്തെത്തി. ട്രോളുകളൊക്കെ കണ്ടെന്നും ഒരു തെറ്റിദ്ധാരണയുടെപുറത്ത് പറഞ്ഞുപോയതാണ് അക്കാര്യമെന്നും ശില്പ പ്രതികരിച്ചു.
ട്വിറ്ററിലൂടെയായിരുന്നു താരത്തിന്റെ പ്രതികരണം.
ട്രോളുകളില് മനംമടുത്താണ് ശില്പയുടെ പ്രതികരണമെന്ന് ചിലര് ചൂണ്ടിക്കാട്ടി.
സ്കൂള് കുട്ടികള്ക്ക് വേണ്ടി പുതിയ സിലബസ് തയ്യാറാക്കുമ്പോള് എന്തൊക്കെ ഉള്പ്പെടുത്തണം എന്ന ചോദ്യത്തിനുള്ള മറുപടിയായിട്ടാണ് ശില്പ ഈ അബദ്ധം പറഞ്ഞത്. 'ലോര്ഡ് ഓഫ് ദ് റിങ്ങ്സും ഹാരി പോര്ട്ടറും സിലബസില് ഉള്പ്പെടുത്തണം. ഇത് കുട്ടികളുടെ അറിവും സര്ഗ ശേഷിയും വര്ദ്ധിപ്പിക്കും. കൂടാതെ 'അനിമല്ഫാം' എന്ന പുസ്തകവും ഉള്പ്പെടുത്തണം. ഇത് കുട്ടിക്കാലം തൊട്ടേ മൃഗങ്ങളോടുള്ള സ്നേഹം വര്ദ്ധിപ്പിക്കാന് ഇടയാക്കും. ഇങ്ങനെയായിരുന്നു ശില്പയുടെ മറുപടി. ശില്പയുടെ മറുപടി ട്വിറ്ററില് ട്രോളന്മാര് ആഘോഷമാക്കി മാറ്റി. ബിബിസി അടക്കമുള്ള രാജ്യാന്തര മാധ്യമങ്ങളും ഈ അബദ്ധം റിപ്പോര്ട്ട് ചെയ്യുകയുണ്ടായി.
https://www.facebook.com/Malayalivartha
