വിവാഹം കഴിഞ്ഞെന്ന വാര്‍ത്തയ്ക്കു പിന്നിലെ സത്യം വെളിപ്പെടുത്തി മഖ്ബൂല്‍ സല്‍മാന്‍
മമ്മൂട്ടിയുടെ സഹോദരപുത്രനായ മഖ്ബൂല്‍ സല്‍മാന്‍ സിനിമാ ലോകത്ത് സ്വന്തം കഴിവില്‍ തന്റേതായ സ്ഥാനം നേടിക്കഴിഞ്ഞയാളാണ്. അതുകൊണ്ടു തന്നെ അദ്ദേഹത്തിന്റെ പേരിലിറങ്ങുന്ന ഗോസിപ്പുകളും ധാരാളം. ഏറ്റവും ഒടുവിലായി മഖ്ബൂലിന്റെ പേരില്‍ അദ്ദേഹം വിവാഹിതനായി എന്ന തരത്തില്‍ പ്രചരിക്കുന്ന വാര്‍ത്തയും ചിത്രങ്ങളും തമ്മില്‍ യാതൊരു ബന്ധവുമില്ലെന്ന് നടന്‍ തന്നെ വെളിപ്പെടുത്തുന്നു. തന്റെ വിവാഹം കഴിഞ്ഞെന്ന രീതിയിലുള്ള വാര്‍ത്ത തെറ്റാണെന്നും അങ്ങനെ എന്തെങ്കിലും ഉണ്ടായാല്‍ താന്‍ നേരിട്ട് എല്ലാവരെയും അറിയിക്കുമെന്നും മഖ്ബൂല്‍ സല്‍മാന്‍ പറയുന്നു.
വാട്‌സാപ്പ്, ഫേസ്ബുക്ക് തുടങ്ങിയ സമൂഹമാധ്യമങ്ങളിലൂടെ തന്റേതെന്ന പേരില്‍ പ്രചരിക്കുന്ന ചിത്രങ്ങളും വാര്‍ത്തയും കണ്ടാണ് ഇങ്ങനെയൊരു കുറിപ്പെന്ന് മഖ്ബൂല്‍ പറയുന്നു. മഖ്ബൂലിന്റെ വിവാഹം കഴിഞ്ഞെന്ന രീതിയിലായിരുന്നു ചിത്രങ്ങള്‍ പ്രചരിച്ചത്, എന്നാല്‍ അത് തെറ്റാണെന്നും അതൊരു കുടുംബപരിപാടിയായിരുന്നെന്നും മഖ്ബൂല്‍ വ്യക്തമാക്കി.
അങ്ങനെ എന്തെങ്കിലും പ്രധാനപ്പെട്ട കാര്യം സംഭവിച്ചാല്‍ ഈ പേജിലൂടെ തന്നെ എല്ലാവരെയും അറിയിക്കുമെന്നും ദയവ് ചെയ്ത വിവാഹചിത്രങ്ങളെന്ന പേരില്‍ വാര്‍ത്ത പ്രചരിപ്പിക്കരുതെന്നും മഖ്ബൂല്‍ അഭ്യര്‍ത്ഥിക്കുന്നു.
https://www.facebook.com/Malayalivartha
