അപൂര്‍വമായി മാത്രം തമാശ പറഞ്ഞിരുന്നവരായിരുന്നു പൃഥ്വിരാജും കുഞ്ചാക്കോ ബോബനും. വളരെ റിസര്‍വ്ഡ് ആയ സ്വഭാവത്തിനുടമകളായിരുന്നു ഇവര്‍. എന്നാല്‍ അവരെ ചീത്തയാക്കിയത് താനാണെന്ന് ജയസൂര്യ പറഞ്ഞു. സ്വപ്‌നക്കൂടിന്റെ ഷൂട്ടിങ്ങിനിടയിലുള്ള അനുഭവങ്ങള്‍ പങ്കുവെക്കുകയായിരുന്നു താരം. സ്വപ്‌നക്കൂടിന്റെ സമയത്ത് താന്‍ ഉഴപ്പനായിരുന്ന നടനായിരുന്നുവെന്നും ജയസൂര്യ പറഞ്ഞു.

അശ്രദ്ധയോടെ നിന്ന് ഒരുപാട് ടേക്ക് എടുക്കേണ്ടി വന്നു. അധികം തമാശ പറയാത്ത ചാക്കോച്ചനെയും രാജുവിനെയും ചീത്തയാക്കിയത് താനാണെന്നും ജയസൂര്യ പറഞ്ഞു. ഷൂട്ടിങ് കഴിഞ്ഞു പോകുമ്പോഴേക്കും അവരും തമാശ പറയാനും ചളിയടിക്കാനും തുടങ്ങി. അവരെ ചീത്തയാക്കിയത് താനാണെന്ന് കമല്‍ സാറും പറഞ്ഞിട്ടുണ്ടെന്നും താരം പറഞ്ഞു.

സിനിമയ്ക്ക് പുറത്ത് അവരുമായി നല്ല സൗഹൃദം ഉണ്ടായിരുന്നതുകൊണ്ടാണ് സ്‌ക്രീനിലും മികച്ച കെമിസ്ട്രി വര്‍ക്കൗട്ട് ചെയ്യാന്‍ കഴിഞ്ഞതെന്നും ജയസൂര്യ. തുടക്കത്തില്‍ ഉഴപ്പനായിരുന്നുവെങ്കിലും പിന്നീട് സിനിമയെ ഗൗരവത്തോട് കൂടി കാണാന്‍ തുടങ്ങി. സിനിമ കരിയറാക്കി എടുക്കാനും തീരുമാനിച്ചു.