ഏറ്റവുമധികം ബഹുമാനിക്കപ്പെടേണ്ടത് സ്ത്രീകളാണെന്ന്, രക്ഷിതാക്കള്‍ ആണ്‍മക്കളെ പഠിപ്പിക്കണം; ബംഗളുരു സംഭവത്തില്‍ പ്രതികരിച്ച് ഷാരൂഖ് ഖാന്‍
സ്ത്രീകള്‍ക്ക് നേരെയുണ്ടാകുന്ന ലൈംഗികാതിക്രമങ്ങളെ അപലപിച്ച് ബോളിവുഡ് നടന്‍ ഷാരൂഖ് ഖാന്‍. തെറ്റായ കാര്യങ്ങളാണ് ബെംഗളൂരിലുണ്ടായത്. സ്ത്രീകളെ ബഹുമാനിക്കാന്‍, രക്ഷിതാക്കള്‍ ആണ്‍മക്കളെ പഠിപ്പിക്കണമെന്നും ഷാരൂഖ് ആവശ്യപ്പെട്ടു.
ബെംഗളൂരില്‍ നടന്നത് തീര്‍ത്തും തെറ്റായ കാര്യങ്ങളാണ്. നമ്മളെല്ലാവരും അമ്മമാരും അച്ഛന്‍മാരും സ്ത്രീകളെ ബഹുമാനിക്കാന്‍ ആണ്‍കുട്ടികളെ ചെറുപ്പം മുതല്‍ക്കേ പഠിപ്പിക്കണം. എന്റെ ഹൃദയത്തോട് ചേര്‍ന്ന് നില്‍ക്കുന്നവരാണ് സ്ത്രീകള്‍. എന്റെ മകളും അമ്മയും എല്ലാ പെണ്‍കുട്ടികളും എന്റെ ഹൃദയത്തോട് ചേര്‍ന്നുനില്‍ക്കുന്നു. ഭൂമിയില്‍ ഏറ്റവുമധികം ബഹുമാനിക്കപ്പെടേണ്ടത് സ്ത്രീകളാണെന്ന് മനസിലാക്കുകയും ഉറപ്പുവരുത്തുകയും വേണം.
അത് അനിവാര്യമായ സമയമാണിത്. അവരില്ലെങ്കില്‍ നമ്മള്‍ ഇന്നില്ല, ജോലി ചെയ്യുന്ന സ്ത്രീകള്‍, വീട്ടമ്മമാര്‍ ലോകത്തിലെ ഓരോ സ്ത്രീയേയും ബഹുമാനിക്കണമെന്നും ഷാരൂഖ് ഖാന്‍ പറഞ്ഞു. ബെംഗളൂരില്‍ സ്ത്രീകള്‍ ലൈംഗികാതിക്രമങ്ങള്‍ക്ക് ഇരയായത് വ്യാപക പ്രതിഷേധത്തിന് ഇടയാക്കിയിരുന്നു. എന്നാല്‍ അങ്ങനെ എന്തെങ്കിലും നടന്നതിന്റെ തെളിവ് ലഭിച്ചിട്ടില്ലെന്നാണ് സിറ്റി പൊലീസ് കമ്മീഷണര്‍ കഴിഞ്ഞദിവസം പ്രതികരിച്ചത്.
https://www.facebook.com/Malayalivartha
