ദിലീപിനെ മാത്രം കുറ്റം പറയേണ്ട...ദിലീപിനെ അനുകൂലിച്ച് കൂട്ടിക്കല് ജയചന്ദ്രന്
നടിയെ ആക്രമിച്ച കേസില് അറസ്റ്റിലായ നടന് ദിലീപിനെ അനുകൂലിച്ച് മിമിക്രി താരവും ഹാസ്യനടനുമായ കൂട്ടിക്കല് ജയചന്ദ്രന് രംഗത്ത്. തന്റെ ഫെയ്സ്ബുക്ക് പേജില് പോസ്റ്റ് ചെയ്ത വീഡിയോയിലാണ് ജയചന്ദ്രന് ദിലീപിന് ഐക്യദാര്ഢ്യം പ്രഖ്യാപിച്ചിരിക്കുന്നത്.
'ചിരിക്കുടുക്ക എന്ന എന്റെ ആദ്യ സിനിമ മുതല് ഒരാള് തന്നെ ദ്രോഹിക്കുന്നതായി പലസ്ഥലത്തു നിന്നും കേട്ടു. സിനിമയുടെ അണിയറയില് പ്രവര്ത്തിച്ചവരെല്ലാം പറഞ്ഞത് ദിലീപിന്റെ ഇടപെടലാണ് എന്റെ പല അവസരങ്ങളും ഇല്ലാതാക്കിയതാണ് എന്നാണ്.
പല സാഹചര്യങ്ങളിലും എനിക്ക് അത് ശരിയാണെന്ന് തോന്നിയിട്ടുണ്ട്. അതുകാരണം എന്റെ സിനിമാ സ്വപ്നങ്ങള് നശിച്ചു. സാമ്ബത്തിക പ്രശ്നങ്ങള് നേരിട്ടു. ഈ സംഭവം ദിലീപിനോട് ഞാന് നേരിട്ട് ചോദിച്ചു. നിങ്ങളാണോ എന്റെ പല അവസരങ്ങളും കളഞ്ഞത് എന്ന്? അയാള് ആര്ദ്രമായാണ് അതിന് മറുപടി പറഞ്ഞത്. പിന്നെ ഞാന് പറഞ്ഞു, വിഷമമില്ല, ദിലീപേട്ടനെപ്പോലെ ഒരു വലിയ നടന് അങ്ങനെ ചെയ്യുന്നുവെങ്കില് എന്റെ കഴിവിനെ അംഗീകരിക്കുന്നത് കൊണ്ടാണല്ലോ.
ദിലീപേട്ടന് മാത്രമല്ല എല്ലാവരും അവരവരുടെ നിലനില്പ്പിന് വേണ്ടി പലതും ചെയ്യുന്നതാണ്. അന്നുമുതല് ദിലീപിന്റെ ആത്മാര്ത്ഥ സുഹൃത്തുക്കളില് ഒരാളായി ഞാന് മാറി. എനിക്കറിയാം ദിലീപേട്ടന്റെ മനസ്, ദിലീപിന്റെ ഫാന്സുകാര് കൂവിയും കല്ലെറിഞ്ഞും സിനിമ നശിപ്പിച്ചു എന്നൊക്കെ പലതാരങ്ങളും പറഞ്ഞു കേട്ടിട്ടുണ്ട്. എന്നാല് അവരൊന്നും പണമില്ലാത്തവരല്ല, എന്നെ പോലെയല്ല അവരാരും, ഈ പ്രതിസന്ധി മറികടക്കാനുള്ള എല്ലാ കുതന്ത്രങ്ങളും അവര്ക്കറിയാം. ദിലീപിനെ മാത്രം കുറ്റം പറയേണ്ട. എനിക്കും എന്റെ കുടുംബത്തിനും തോന്നാത്ത വൈരാഗ്യം ദിലീപിനോട് മറ്റൊര്ക്കും തോന്നേണ്ട കാര്യമില്ല. ദിലീപ് കാരണം ജീവിതം തകര്ന്നവര് രംഗത്ത് വന്ന് പറയട്ടെ. അങ്ങനെ ആരും ഉണ്ടെന്ന് ഞാന് കരുതുന്നില്ല.
ദിലീപിന്റെ വീട്ടില് ചെല്ലുമ്ബോള് ഒരു സൂപ്പര്സ്റ്റാറിന്റെ വീട്ടില് എത്തുന്ന പ്രതീതിയില്ല എനിക്ക് തോന്നിയിട്ടുള്ളത്. സ്നേഹമുള്ള അമ്മ, സഹോദരങ്ങള്. എന്റെ വിഷമങ്ങള് തുറന്നു പറയാന് കഴിയുന്ന ഒരേയൊരു സൂപ്പര് സ്റ്റാറാണ് ദിലീപേട്ടന്. മറ്റുള്ളവരൊന്നും എനിക്ക് ഒരു അവസരവും തന്നിട്ടില്ല. അത് ചെയ്തത് ദിലീപ് മാത്രമാണ്. ദിലീപ് കാരണമാണ് ഞാന് വീണ്ടും സിനിമയിലെത്തിയത്. ദിലീപില്ലെങ്കില് എനിക്കൊരു ജീവിതമില്ല. വേറെയാരുമില്ല എന്നെ സഹായിക്കാന്.
ചലച്ചിത്ര നടിയെ 'ഇര' എന്ന് വിളിക്കുന്നതിനോട് എനിക്ക് യോജിപ്പില്ല. നമ്മുടെ അമ്മയ്ക്കോ സഹോദരിക്കോ ഈ അനുഭവം ഉണ്ടായാല് നമ്മള് ഇര എന്ന് വിളിക്കുമോ. ദിലീപേട്ടന്റെ മനസ് ആര്ദ്രമാണ്. അദ്ദേഹത്തിന് ഈ പരീക്ഷണങ്ങള് നേരിടാന് കഴിയുമോ എന്ന് എനിക്കറിയില്ല. അദ്ദേഹം ജയിലില് നിന്ന് വരുന്നതുവരെ ഞാനും എന്റെ കുടുംബവും കാത്തിരിക്കും. ദിലീപ് ജയിലില് വെറും നിലത്ത് കിടന്നുറങ്ങുമ്പോള് ഞാനും എന്റെ കുടുംബവും അതു തന്നെ ചെയ്യും. അദ്ദേഹത്തോട് ഐക്യദാര്ഢ്യം പ്രഖ്യാപിക്കുന്നു. ദിലീപിനോളം വിശാല ഹൃദയമുള്ളൊരാള് മലയാള സിനിമയില് വേറാരുമില്ല. പ്രേക്ഷകര് കുപ്രചരണങ്ങള് വിശ്വസിക്കരുത്. ദിലീപ് തിരിച്ചുവരും, കാരണം അദ്ദേഹം ജനപ്രിയനാണ്. അദ്ദേഹത്തെ ദൈവം അനുഗ്രഹിക്കട്ടെ'ജയചന്ദ്രന് വീഡിയോയില് പറഞ്ഞു.
https://www.facebook.com/Malayalivartha