ചലച്ചിത്രലോകത്ത് പ്രവേശിച്ച്‌ പതിനെട്ടുവര്‍ഷമായി അമ്പത് സിനിമകളില്‍ അഭിനയിച്ചുകഴിഞ്ഞിട്ടും താന്‍ ഇന്നും ഫ്രഷാണെന്ന് തൃഷ. ഏതാണ്ട് ഒരേ കാലഘട്ടത്തിലായിരുന്നു ഞാനും ധനുഷും സിനിമാരംഗത്തു വന്നത്. എങ്കിലും ദേശീയ അവാര്‍ഡ് നേടിയ ഒരു നടനെന്ന നിലയ്ക്ക് ധനുഷിനോടൊപ്പം അഭിനയിക്കുമ്പോൾ മനസ്സില്‍ വല്ലാത്ത ഇളക്കമായിരുന്നു. ഒപ്പം അഭിനയിക്കുന്നവര്‍ക്ക് അദ്ദേഹം ധാരാളം ടിപ്പ്സ് കൊടുക്കാറുണ്ട്. സംവിധായകന് തൃപ്തിയായാല്‍ കൂടി അദ്ദേഹത്തിന് തൃപ്തിയാകും വരെ ടേക്ക് തുടര്‍ന്നുകൊണ്ടിരിക്കും. അദ്ദേഹത്തോടൊപ്പം അഭിനയിച്ചു എന്നതിലുപരി ആക്ടിങ്ങിനെക്കുറിച്ച്‌ പാഠങ്ങള്‍ പഠിച്ചു എന്നു പറയുന്നതാവും ഉചിതം.

ഗ്ലാമർ ആയി അഭിനയിച്ചു മടുത്തതുകൊണ്ടാണ് 'അരമനൈ-2' നായകി എന്ന സിനിമകളില്‍ അഭിനയിക്കാന്‍ വഴങ്ങിയത്. മാത്രമല്ല, വൈവിധ്യമാര്‍ന്ന വേഷങ്ങള്‍ പ്രേക്ഷകര്‍ക്കു നല്‍കണമെന്ന ലക്ഷ്യവുമുണ്ടായിരുന്നു. 'മോഹിനി'യാണ് ഈ ട്രെന്റില്‍ അവസാനം. ഇനി പ്രേതവും പിശാചുമൊന്നുമുണ്ടാവില്ല. മറ്റൊരു ലെവലില്‍ ദൃശ്യയെ നിങ്ങള്‍ക്കു ദര്‍ശിക്കാം ഇപ്പോള്‍ അഭിനയിക്കുന്ന മിക്ക പടങ്ങളും ഒരേ സമയം തമിഴ്-തെലുങ്ക് ഭാഷകളിലാണ്. തമിഴില്‍ ലേശം ബിസ്സി ആയതുകൊണ്ട് തെലുങ്കില്‍ കാള്‍ഷീറ്റ് കൊടുക്കാന്‍ പറ്റുന്നില്ല.

ഹിന്ദി എനിക്കു ശരയാകില്ല. ബോളിവുഡ്ഡിന്റെ ഫിലിം മേക്കിംഗ് സ്റ്റൈല്‍ തന്നെ മറ്റൊരു രീതിയാണ്. പടത്തിനു വേണ്ടി നാം എത്രത്തോളം അധ്വാനിക്കണമോ, അത്രയും അധ്വാനം പ്രമോഷനു വേണ്ടി കൊടുക്കേണ്ടതായിട്ടുണ്ട്. ഹിന്ദിയാകുമ്പോൾ സ്ഥിരം ബോംബെയില്‍ തങ്ങണം. ഒരു പടത്തിന് ഒരു വര്‍ഷത്തോളം ഇന്‍വോള്‍ഡ് ആകേണ്ടതായിട്ടുണ്ട്.തിരിഞ്ഞുനോക്കാതെ ഒരു സെക്കന്റ് പോലും നില്‍ക്കാതെ ഓടിക്കൊണ്ടിരിക്കണം. സിനിമയില്‍ ജയിക്കണമെങ്കില്‍ ഇതാണ് മാര്‍ഗം. ഒരല്പം വിശ്രമം വേണമെന്ന് തോന്നി ഒരിടത്ത് ഒതുങ്ങിക്കൂടി കഴിഞ്ഞാല്‍ പോലും നിങ്ങളുടെ പിന്നില്‍ വരുന്നവര്‍ വളരെ മുമ്പേ ഓടിക്കൊണ്ടിരിക്കും.

മുമ്പ് മുന്‍നിര നായകന്മാരുടെ പടങ്ങള്‍ മാത്രമാണ് ഞാന്‍ ചെയ്തുകൊണ്ടിരുന്നത്. കഥ പോലും കേള്‍ക്കാന്‍ ഞാന്‍ മിനക്കെട്ടിരുന്നില്ല. ഒരുകണക്കില്‍ അതും ഒരു പ്ലസ്സായിരുന്നു. മറ്റൊരുകണക്കില്‍ മൈനസ്. വലിയ ചിത്രങ്ങളില്‍ അഭിനയിക്കുമ്പോൾ വന്‍ ബഡ്ജറ്റ് എന്നതുകൊണ്ട് എല്ലാ പേരും അതില്‍ ശ്രദ്ധാലുക്കളാവും. അനാവശ്യമായ ഏതെങ്കിലും കുപ്രചരണം നടത്തുകയും ചെയ്യും. ഞാന്‍ ഇപ്പോള്‍ കഥ കേട്ട് അഭിനയിക്കുന്നു. പ്രോജക്‌ട് വലുതാണോ, ചെറുതാണോ എന്നൊന്നും അന്വേഷിക്കാറില്ല.

എന്റെ ക്യാരക്ടര്‍ ഇഷ്ടപ്പെട്ടാല്‍ ഓക്കെ പറയും. നല്ല പടം, നല്ല കഥ, നല്ല ക്യാരക്ടര്‍ ഇതാണിപ്പോള്‍ എന്റെ തീരുമാനം. രജനികാന്തിനോടൊപ്പം ഒരു സിനിമയില്‍ എങ്കിലും അഭിനയിക്കണമെന്നതാണ് തന്റെ ആഗ്രഹമെന്നും തൃഷ പറയുന്നു. തമിഴകത്ത് ഗോസിപ്പുകൾക്ക് ഒരു പഞ്ഞവുമില്ല. കുറച്ചുനാളുകൾക്ക് മുമ്പ് സുചിലീക്ക്സിന്റെ പേരിൽ നിരവധി നടിമാരുടെയും നടന്മാരുടെയും ഞെട്ടിക്കുന്ന വീഡിയോസ് പുറത്തുവന്നിരുന്നു. അമല പോൾ വിവാഹബന്ധം വേർപ്പെടുത്താൻ കാരണം ധനുഷ് ആണെന്ന് വാർത്തകൾ പുറത്തുവന്നിരുന്നു. എന്നാൽ ധനുഷ് ഇതിനെതിരെ പ്രതികരിച്ചിരുന്നില്ല. തൃഷയും ധനുഷുമൊത്തുള്ള ഞെട്ടിക്കുന്ന ഫോട്ടോസ് സുചി ലീക്ക്സിലൂടെ പുറത്തുവന്നിരുന്നു.