റാണി പത്മിനിയുടെ ജീവിതത്തെ ആസ്പദമാക്കി സഞ്ജയ് ലീല ബൻസാലി സംവിധാനം ചെയ്ത പത്മാവതി എന്ന ബോളിവുഡ് ചിത്രം ചിത്രീകരണം തുടങ്ങിയപ്പോൾ മുതൽ പല എതിർപ്പുകളും നേരിടേണ്ടി വന്നു. പത്മാവതിയുടെ ട്രെയ്‌ലറും വൻ ഹിറ്റായിരുന്നു. ചിത്രത്തെക്കുറിച്ചുള്ള പ്രതീക്ഷകള്‍ വാനോളം ഉയര്‍ത്തുന്നതായിരുന്നു ട്രെയ്‌ലറും പാട്ടുമെല്ലാം.

പത്മാവതിയിൽ ദീപിക അവതരിപ്പിച്ച രാജകുമാരി പത്മിനിയ്ക്കായി നിര്‍മിച്ച നാനൂറ് കിലോയോളം ഭാരം വരുന്ന ആഭരണങ്ങളും രാജകീയ വസ്ത്രങ്ങളും ചിത്രത്തിലെ ഗാനരംഗങ്ങളില്‍ ഇവ അണിഞ്ഞ് കൊണ്ടുള്ള ദീപികയുടെ നൃത്തവും ഏറെ പ്രശംസ പിടിച്ചു പറ്റിയിരുന്നു.

ദീപികയെ പ്രശംസിച്ച്‌ ബോളിവുഡിന്റെ ക്യൂട്ട് ഗേള്‍ ആലിയ പറഞ്ഞ വാക്കുകളും അവയ്ക്ക് ദീപിക നല്‍കിയ മറുപടിയുമാണ് ഇപ്പോള്‍ സാമൂഹിക മാധ്യമങ്ങളിൽ വൈറലായിക്കൊണ്ടിരിക്കുന്നത്.

ചിത്രത്തിലെ ദീപികയുടെ വേഷപ്പകര്‍ച്ചയെ എത്ര കണ്ട് പ്രശംസിച്ചിട്ടും മതിയാകുന്നില്ല ആലിയയ്ക്ക്. ആലിയ ട്വിറ്ററിൽ കുറിച്ചതിങ്ങനെ;

"പത്മാവതിയുടെ ട്രെയിലര്‍ കണ്ടു. ദീപിക ശരിക്കും ഒരു രാജ്ഞി തന്നെ. ഒരിക്കലും ദീപികയെ പോലെ അഭിനയിക്കാനോ അവരെ പോലെ ആകാനോ എനിക്ക് സാധിക്കില്ലെന്ന് അറിയാം ".

"എന്റെ ആലൂ.. നീ ചിലപ്പോഴൊക്കെ ബോധമില്ലാത്തവളാണ്. നിന്നോടൊരുപാടിഷ്ടം" എന്നാണ് ദീപിക പ്രതികരണം.

160 കോടി രൂപ മുതല്‍മുടക്കിൽ നിർമിച്ച ഈ ചിത്രം ഏറെ വിവാദങ്ങൾക്കൊടുവിൽ ഡിസംബര്‍ ഒന്നിന് തീയേറ്ററുകളിലെത്തുകയാണ്.