മലയാള സിനിമയിലെ മിക്ക സൂപ്പര്‍താരങ്ങളേയും തെറിവിളിച്ചിട്ടുള്ള നടിയാണ് കുളപ്പുള്ളി ലീല. മോഹനല്‍ലാലിനേയും മമ്മൂട്ടിയേയും സുരേഷ് ഗോപിയേയും അങ്ങ് തമിഴില്‍ രജനീകാന്തിനെ വരെ നല്ല പുളിച്ച തെറി വിളിവിളിച്ചിട്ടുണ്ട്. ഇത് അപൂര്‍വ ഭാഗ്യമാണെന്നാണ് കുളപ്പുള്ളി ലീല പറയുന്നത്. എന്നാല്‍ ഒരു തുടക്കക്കാരി എന്ന നിലയില്‍ അന്ന് എല്ലാവരും തന്നെ ഒത്തിരി സഹായിച്ചിട്ടുണ്ടെന്ന് പറയുകയാണ് കുളപ്പുള്ളി ലീല. 'മലയാളസിനിമയില്‍ സൂപ്പര്‍താരങ്ങളുടെ സിനിമയിലെല്ലാം അവരെ ചീത്തപറയുന്ന വായാടിയായ സ്ത്രീയുടെ വേഷമാണ് ഞാന്‍ ചെയ്തിരുന്നത്.

'മോഹന്‍ലാലിനെ ചൂലുകൊണ്ട് അടിച്ച ഏക സ്ത്രീ ഞാനാണെന്ന് ചേച്ചിക്ക് പറയാമല്ലോ' എന്ന് പറഞ്ഞ ലാല്‍ ആണ് എനിക്ക് അഭിനയിക്കാന്‍ പ്രോത്സാഹനം നല്‍കിയതെന്ന് ലീല വ്യക്തമാക്കി. ബ്ലാക്ക്, ബസ് കണ്ടക്ടര്‍ എന്നീ ചിത്രങ്ങളില്‍ മമ്മൂക്കയേയും ചീത്തപറയുന്നുണ്ട്. മുത്തു എന്ന തമിഴ് ചിത്രത്തില്‍ രജനീകാന്ത് സാറിനെ ഞാന്‍ ചീത്ത പറയുന്ന ഒരു സീനുണ്ട്. ഈ സീന്‍ കഴിഞ്ഞപ്പോള്‍ തമിഴില്‍ അവസരം നല്‍കാമെന്ന് പറഞ്ഞ് രജനി സാര്‍ എന്നെ അങ്ങോട്ട് ക്ഷണിച്ചുവെന്ന് കുളപ്പുള്ളി ലീല പറയുന്നു.