കായംകുളം കൊച്ചുണ്ണിയുടെ വിശേഷങ്ങളുമായി പ്രിയാ ആനന്ദ്
'കായംകുളം കൊച്ചുണ്ണിയില്' നിവിന് പോളിയുടെ നായികയായി മലയാളത്തിലേക്ക് വീണ്ടും എത്തുകയാണ് പ്രിയാ ആനന്ദ്. സിനിമയുടെ വിശേഷങ്ങളുമായി പ്രിയ രംഗത്തു വന്നിരിക്കുകയാണ്. റോഷന് ആന്ഡ്രൂസിനെ പോലെ കഴിവുറ്റ ഒരു സംവിധായകനൊപ്പം വര്ക്ക് ചെയ്യാന് കഴിയുകയെന്നത് എന്റെ ഏറ്റവും വലിയ ഭാഗ്യം തന്നെയാണ്. പിന്നെ മോഹന്ലാല് നിവിന് പോളി എന്നിവരുമൊത്ത് അഭിനയിക്കാനും സാധിച്ചല്ലോ. മോഹന്ലാലിനൊപ്പം അഭിനയിക്കാന് സാധിച്ചതില് അഭിമാനമുണ്ടെന്നും താരം പറഞ്ഞു. ഈ വര്ഷത്തെ ഏറ്റവും വലിയ ചിത്രങ്ങളിലൊന്നാണിത്.
സിനിമയിലെ നായകനായ നിവിനെ പറ്റിയും പ്രിയ മനസ്സുതുറന്നു. വളരെ സത്യസന്ധമായ ചിരിയാണ് നിവിന്റേത് എന്നാല് അതു കണ്ടിട്ട് ആള് അത്രപാവമാണെന്നൊന്നും നിങ്ങള് വിചാരിക്കരുത്. നേരം എന്ന ചിത്രം തൊട്ടുതന്നെ എനിയ്ക്ക് വളരെ ഇഷ്ടമാണ് അദ്ദേഹത്തെയെന്ന്
പ്രിയ പറഞ്ഞു. നല്ലവനായ കള്ളനായിരുന്ന കൊച്ചുണ്ണിയുടെ ജീവിതകഥ പറയുന്ന ചിത്രത്തില് അയാളുടെ ജീവിതത്തില് സ്വാധീന ശക്തിയായിരുന്ന ജാനകി എന്ന സ്ത്രീകഥാപാത്രത്തെയാണ് പ്രിയ അവതരിപ്പിക്കുന്നത്.
ചിത്രത്തിനായി ഇതേ വിഷയം ആസ്പദമാക്കി 1966ല് പുറത്തുവന്ന ചിത്രത്തിലെ നടി സുകുമാരി കൈകാര്യം ചെയ്ത ഇതേ വേഷമാണ് പ്രിയ മാതൃകയാക്കിയിരിക്കുന്നത്. എല്ലാ സ്ത്രീകള്ക്കും ഞാന് അവതരിപ്പിക്കുന്ന കഥാപാത്രവുമായി സാമ്യമുണ്ടെന്ന് പറയാനാകില്ല.
ഈ കഥകളെല്ലാം യഥാര്ത്ഥത്തില് സംഭവിച്ചവ തന്നെയാണ്. അതിനാല് തന്നെ ഒരുപാട് പ്രയത്നിക്കേണ്ടതായി വരില്ല. യഥാര്ത്ഥജീവിതത്തില് നിന്നുരുത്തിരിഞ്ഞു വരുന്ന വികാരവിചാരങ്ങളാണ് ഈ കഥാപാത്രത്തിന്റേതെന്നും പ്രിയ ഒരു അഭിമുഖത്തില് പറഞ്ഞു.
https://www.facebook.com/Malayalivartha