വെറും സാധാരണക്കാരന്റെ രൂപത്തിലാണ് വിജയ് എത്തിയത്. ആയിരക്കണക്കിന് ആരാധകരുളള ദളപതി വിജയ് മകളുടെ മൽസരം കാണാനായി കാണികൾക്കിടയിൽ സാധാരണക്കാരനെപ്പോലെ ഇരുന്നു. മകളുടെ മൽസരം ആസ്വദിക്കുകയും ചെയ്തു.

സാഷ ബാഡ്മിന്റൻ കളിക്കുന്നതും അത് കണ്ടുകൊണ്ട് വിജയ് ഗ്യാലറിയിൽ ഇരിക്കുന്നതിന്റെയും ചിത്രങ്ങളാണ് സോഷ്യൽ മീഡിയയിലൂടെ പുറത്തുവന്നിട്ടുള്ളത്

വിജയ്-സംഗീത ദമ്പതികൾക്ക് രണ്ടു മക്കളാണുളളത്. സഞ്ജയ്, ദിവ്യ സാഷ. രണ്ടു പേരും വിജയ്‌യുടെ സിനിമയിൽ ബാലതാരമായി അഭിനയിച്ചിട്ടുണ്ട്. വേട്ടൈക്കാരൻ സിനിമയിലെ ഒരു പാട്ടിൽ സഞ്ജയ് അച്ഛനൊപ്പം അഭിനയിച്ചിട്ടുണ്ട്. ദിവ്യ സാഷ തെരി സിനിമയിൽ വിജയ്‌യുടെ മകളായി അഭിനയിച്ചു. ഏറെ നാളുകൾക്കുശേഷമാണ് വിജയ്‌യുടെ മക്കളുടെ ചിത്രങ്ങൾ പുറത്തുവരുന്നത്.

നേരത്തെ തല അജിത് തന്റെ മക്കളുടെ സ്കൂൾ പരിപാടിയിൽ പങ്കെടുക്കാൻ എത്തിയതിന്റെ ചിത്രങ്ങൾ പുറത്തുവന്നിരുന്നു. അജിത് ആരാധകർ അത് ആഘോഷമാക്കിയിരുന്നു. ഇപ്പോൾ ദളപതി ആരാധകർക്കും ആഘോഷത്തിന് വകനൽകുന്നതാണ് വിജയ്‌യുടേതായി പുറത്തുവന്നിരിക്കുന്ന ചിത്രങ്ങൾ.