ബോളിവുഡ് നടൻ ഇര്ഫാന് ഖാന് അപൂര്വ്വ ബ്രെയിൻ ട്യൂമര്; വിശദീകരണവുമായി സുഹൃത്ത് രംഗത്ത്
തനിയ്ക്ക് അപൂര്വ്വ രോഗമാണെന്ന നടന് ഇര്ഫാന് ഖാന്റെ വെളിപ്പെടുത്തലിന് പിന്നാലെ അപൂര്വ്വ ബ്രെയ്ന് ട്യൂമറാണ് താരത്തിനെ ബാധിച്ചിരിക്കുന്നതെന്ന് റിപ്പോർട്ടുകൾ. കരാര് ഒപ്പിട്ടതും, കഥ കേട്ടതുമായ സിനിമകളില് നിന്നും, റിലീസിനൊരുങ്ങുന്ന ചിത്രങ്ങളുടെ പ്രമോഷനില് നിന്നും ഇര്ഫാന് ഖാന് പിന്മാറുന്നെന്ന വാര്ത്തകളാണ് ആദ്യം വന്നത്. ഇതിനെപ്പറ്റി അടിസ്ഥാന രഹിതമായ പല കഥകളും വന്നതോടെ വിശദീകരണവുമായി താരം തന്നെ രംഗത്തെത്തുകയായിരുന്നു.
തനിക്ക് എന്തോ അസുഖം ഉണ്ടെന്നും അത് കൃത്യമായി തിരിച്ചറിഞ്ഞിട്ടില്ലെന്നും, അതിനാലാണ് സിനിമയില് നിന്ന് മാറി നില്ക്കുന്നത്. 10 ദിവസത്തിനുള്ളില് പരിശോധന ഫലങ്ങള് വരും. അതിനു ശേഷം കാര്യങ്ങള് വ്യക്തമാക്കും. സുഖം പ്രാപിച്ച് സിനിമയിലേയ്ക്ക് മടങ്ങിയെത്തുകയും ചെയ്യുമെന്നായിരുന്നു വിശദീകരണം. എങ്കിലും ഇതിനിടെ വീണ്ടും ചില പ്രചരണങ്ങളുണ്ടായി.
ഇര്ഫാന് മഞ്ഞപ്പിത്തമാണെന്ന തരത്തിലായിരുന്നു ആദ്യ വാര്ത്തകള്. പിന്നീട് തലച്ചോറില് ബ്രയിന് ട്യൂമറാണെന്നാണ് വാര്ത്തകള്. പെട്ടെന്ന് വളരുന്ന ബ്രയിന് ട്യൂമറായ ഗ്രേഡ് ഫോര് ബ്ലാസ്റ്റോമയാണ് എന്നാണ് വാര്ത്ത. കാന്സറിലെ ഏറ്റവും അപകടകരമായ അവസ്ഥയാണിത്. മുംബൈയിലെ കോകിലാബെന് ആശുപത്രിയില് ചിക്തസയിലാണെന്നും സൂചനകളുണ്ട്.
എന്നാല് ഈ വാര്ത്തകള് അടിസ്ഥാന രഹിതമാണെന്ന് പറഞ്ഞ് ഇര്ഫാന്റെ സുഹൃത്ത് രംഗത്തെത്തി. ഇര്ഫാന്റെ ആരോഗ്യസ്ഥിതി മോശമാണ്, പക്ഷേ ഇപ്പോള് അദ്ദേഹത്തിന്റെ രോഗസ്ഥിതിയെക്കുറിച്ച് പ്രചരിക്കുന്ന കാര്യങ്ങള് തെറ്റാണ്. അദ്ദേഹമിപ്പോള് ഡല്ഹിയിലാണ് അതാണ് സത്യവവസ്ഥയെന്നും സുഹൃത്ത് പറഞ്ഞു. ആരാധകരും, താരങ്ങളുമുള്പ്പെടെ നിരവധിപ്പേര് ഇര്ഫാന് സുഖാശംസകള് നേര്ന്ന് രംഗത്തെത്തി.
https://www.facebook.com/Malayalivartha