ഷർട്ട് ഇല്ലാതെ അഭിനയിക്കുന്നതിന് സൽമാൻ ഖാനെ നിരവധിപ്പേർ വിമർശിച്ചിരുന്നു. ഈ വിമർശനങ്ങളൊന്നും താരത്തെ ബാധിക്കില്ല. തന്നെ അങ്ങനെ കാണാൻ ഇഷ്ടമില്ലാത്തവർ സിനിമ കാണണ്ട എന്നാണ് സൽമാൻഖാൻ പറയുന്നത്. ഒരു ദേശീയ മാധ്യമത്തിന് നൽകിയ അഭിമുഖത്തിൽ ഇത്തരം വിമർശനങ്ങൾക്കെതിരെ അദ്ദേഹം പ്രതികരിച്ചതിങ്ങനെ;

''നല്ല ശരീരം ഒരു സമ്പാദ്യമാണെന്ന് മനസിലാക്കിയ വ്യക്തിയാണ് ഞാൻ. ഞാൻ സിനിമയ്ക്കുവേണ്ടി ഷർട്ട് ഊരും. നമുക്ക് നല്ല ആരോഗ്യമുള്ള ശരീരം ഉണ്ടെങ്കിൽ അത് കാണിക്കുന്നതിൽ എന്താണ് തെറ്റ്..? മറ്റുള്ളവർ എന്ത് പറയുമെന്ന് ഞാൻ വിചാരിക്കാറില്ല. ഷർട്ടില്ലാത്തതിന് എന്നെ വിമർശിക്കുന്നവരോട് ഒന്നേ പറയാനുള്ളൂ...പുറത്ത് കടക്കൂ...നിങ്ങൾ എന്റെ സിനിമ കാണണ്ട.''- സൽമാൻഖാൻ പറഞ്ഞു.