കാസ്റ്റംഗ് കൗച്ചിനെ കുറിച്ച് ദിനം പ്രതി ഞെട്ടിപ്പിക്കുന്ന കഥകളാണ് പുറത്തു വരുന്നത്. തങ്ങളുടെ സിനിമ മേഖലയില്‍ ഇല്ലെന്ന് പറയുമ്പോഴും അതിനെ അക്ഷരംപ്രതി ഖണ്ഡിക്കുന്ന വെളിപ്പെടുത്തലാണ് പുറത്തു വരുന്നത്. കാസ്റ്റിംഗ് കോച്ചിനെ കുറിച്ചുള്ള വെളിപ്പെടുത്തലുമായി ബോളിവുഡ് താരം മഹി ഗില്‍ രംഗത്തെത്തിയിട്ടുണ്ട്. ദേശീയ മാധ്യമമായ ഹിന്ദുസ്ഥാന്‍ ടൈംസിന് നല്‍കിയ അഭിമുഖത്തിലായിരുന്നു താരത്തിന്റെ തുറന്നു പറച്ചില്‍.

ബോളിവുഡ് സംവിധായകര്‍ക്ക് നേരെയാണ് ആരോപണവുമായി നടി രംഗത്തെത്തിയിരിക്കുന്നത്. പെണ്‍കുട്ടികളുടെ അഭിനയം മോഹം ചിലര്‍ മുതലെടുക്കയാണെന്നാണ് മാഹി പറഞ്ഞു. കാസ്റ്റിംഗ് കൗച്ചിനെ കുറിച്ച് വെളിപ്പെടുത്തലുമായി ബോളിവുഡ് താരം രാധിക ആപ്‌തെയും മറാത്തി താരം ഉഷാ യാദവും രംഗത്തെത്തിയിരുന്നു. ശ്രീ റെഡ്ഡിയാണ് കാസ്റ്റിംഗ് കൗച്ചിനെതിരെ രംഗത്തെത്തിയത്.

സിനിമയില്‍ അവസരം തേടി പല സംവിധായകന്മാരേയും സമീപിച്ചിട്ടുണ്ട്. എന്നാല്‍ അവരുടെ പലരുടേയും പേരുകള്‍ ഇന്നു താന്‍ ഓര്‍ക്കുന്നതു പോലുമില്ല. എന്നാല്‍ ചിലരുടെ ഭാഗത്ത് നിന്ന് ചില മോശമായ അനുഭവങ്ങള്‍ നേരിട്ടുണ്ടെന്നും മാഹി പറഞ്ഞു. ആദ്യം സല്‍വാര്‍ ധരിച്ചാണ് സംവിധായകനെ കാണാന്‍ പോയത്. ഗൗണ്‍ ധരിച്ചു വരാന്‍ അദ്ദേഹം തന്നോട് ആവശ്യപ്പെടുകയായിരുന്നു. സല്‍വാര്‍ ധരിച്ചു വന്നാല്‍ തന്നെ ആരും സെലക്ട് ചെയ്യില്ലെന്നും അദ്ദേഹം അന്ന് പറഞ്ഞിരുന്നു.

സിനിമയിലേയ്ക്ക് പുതിയതായി കടന്നു വരുന്ന പെണ്‍ക്കുട്ടികളുടെ ജീവിതം വളറെ കഷ്ടം നിറഞ്ഞതാണ്. ചാന്‍സിനു വേണ്ടി പലതും സഹിക്കേണ്ടി വരുന്നു. പെണ്‍ക്കുട്ടികളുടെ മുഖത്ത് നോക്കി ഇത്തരം വിഡ്ഡിത്തരം പറയുന്ന വിഡ്ഡികളുടെ ലോകമാണ് ഇതെന്നും മാഹി ഗില്‍ അഭിമുഖത്തില്‍ പറഞ്ഞു. ആദ്യമായി സിനിമ ലോകത്ത് പ്രവേശിക്കുന്ന പെണ്‍ക്കൂട്ടികളെ സംബന്ധിച്ച് ഇതൊന്നും നിസ്സാരമല്ലെന്നും താരം പറഞ്ഞു.

സിനിമയില്‍ ആദ്യമായി കടന്നു വരുന്നവര്‍ക്കാണ് ഇത്തരത്തിലുള്ള അനുഭവം ഉണ്ടാകുന്നത്. കാരണം ഫീല്‍ഡിനെ കുറിച്ചോ സ്ഥലത്തെ കുറിച്ചോ തീരെ പരിചയമില്ല. ഇത് ഇത്തരക്കാര്‍ മുതലെടുക്കുന്നുവെന്നും താരം പറഞ്ഞു. അന്ന് താന്‍ മുംബൈയില്‍ ആദ്യമായിരുന്നു. ആരാണ് നല്ലത്, ആരാണ് ചീത്ത എന്നെന്നും തനിയക്ക് അറിയില്ലായിരുന്നുവെന്നും തരം അഭിമുഖത്തില്‍ വ്യക്തമാക്കി.