ഷൂട്ടിംഗ് ലൊക്കേഷനിലെത്തിയ അതിഥിയെ കണ്ട് ഞെട്ടി ശ്രുതി ഹസന്
ചുരുങ്ങിയ കാലം കൊണ്ട് തന്നെ തമിഴ് സിനിമയില് തന്റേതായ ഇടം നേടിയെടുത്ത താരപുത്രിയാണ് ശ്രുതി ഹസന്. പുതിയ സിനിമയില് അഭിനയിച്ചുകൊണ്ടിരിക്കുന്നതിനിടയില് അപ്രതീക്ഷിതമായി മുന്നിലെത്തിയ അതിഥിയെക്കണ്ട് ഞെട്ടിയ ശ്രുതി ഹസനായിരുന്നു കഴിഞ്ഞ ദിവസം വാര്ത്തകളില് നിറഞ്ഞുനിന്നത്.
മഹേഷ് മാജ് റേക്കര് സംവിധാനം ചെയ്യുന്ന ബോളിവുഡ് ചിത്രത്തിന്റെ തിരക്കിലാണ് ശ്രുതി ഹസന്. സിനിമയുടെ ചിത്രീകരണം ഇപ്പോള് പുരോഗമിച്ച് വരികയാണ്. അതിനിടയിലാണ് ലൊക്കേഷനിലേക്ക് ശ്രുതിയുടെ അമ്മയായ സരിക എത്തിയത്. അണിയറപ്രവര്ത്തകരും സഹതാരങ്ങളുമെല്ലാം സെറ്റിലെത്തിയ സരികയ്ക്ക് ഗംഭീര സ്വീകരണമാണ് നല്കിയത്.
അച്ഛനും അമ്മയ്ക്കും പിന്നാലെ മകള് സിനിമയിലേക്കെത്തിയപ്പോള് മകള്ക്കൊപ്പം ലൊക്കേഷനിലേക്ക് കൂടെ പോവുന്ന പതിവൊന്നും താരദമ്ബതികള്ക്കുണ്ടായിരുന്നില്ല. അതിനാല്ത്തന്നെ ആദ്യമായി തന്റെ അഭിനയം കാണാന് അമ്മയെത്തിയത് ശ്രുതിയെ ഏറെ സന്തോഷിപ്പിച്ചിരുന്നു. അമ്മയുടെ അപ്രതീക്ഷിത സന്ദര്ശനത്തെക്കുറിച്ച് മകള്ക്കും അറിയില്ലായിരുന്നു. അഭിനയിച്ചുകൊണ്ടിരിക്കുന്നതിനിടയില് അമ്മയെ കണ്ടതിന്റെ സന്തോഷത്തിലായിരുന്നു താരപുത്രി.
ദേശീയ അവാര്ഡ് ജേതാവായ മഹേഷിന്റെ സിനിമയില് അവസരം ലഭിച്ച മകളെ നേരിട്ട് കണ്ട് അനുഹ്രഹിക്കാനായിരുന്നു താരമാതാവ് എത്തിയത്. എല്ലാവരെയും പരിചയപ്പെടുത്തി അപ്രതീക്ഷിതമായി അമ്മയെ കണ്ടതിന്റെ എക്സൈറ്റ്മെന്റോട് കൂടിയാണ് താരപുത്രി സെറ്റിലുള്ളവര്ക്ക് അമ്മയെ പരിചയപ്പെടുത്തിയത്. താന് അഭിനയിക്കുന്നത് നേരിട്ട് കാണാന് അമ്മ വന്നതിലുള്ള മുഴുവന് സന്തോഷവും ശ്രുതിയുടെ മുഖത്ത് പ്രകടമായിരുന്നുവെന്ന് അണിയറപ്രവര്ത്തകര് സാക്ഷ്യപ്പെടുത്തിയിരുന്നു.
മകള്ക്ക് ലഭിച്ച അവസരത്തില് അതീവ സന്തോഷവതിയാണ് സരിക. ആ സന്തോഷം പങ്കുവെക്കാനായാണ് അവര് സെറ്റിലേക്ക് എത്തിയതും. സംവിധായകനെ സരികയ്ക്ക് നേരത്തെ തന്നെ പരിചയമുണ്ട്. ഷൂട്ടിങ് സെറ്റിലെത്തിയ സരികയുടെ ചിത്രങ്ങള് ട്വിറ്ററിലൂടെയാണ് പുറത്തുവിട്ടത്. നിരവധി പേരാണ് ഫോട്ടോ ഷെയര് ചെയ്തിട്ടുള്ളത്. സിനിമയില് അഭിനയിക്കുന്നതിന് മുന്നോടിയായുള്ള ചിത്രങ്ങളും സെറ്റിലെത്തിയതിന് ശേഷമുള്ള ചിത്രങ്ങളുമൊക്കെ നേരത്തെ തന്നെ വൈറലായിരുന്നു.
https://www.facebook.com/Malayalivartha
