രാധിക പഴയ രാധികയല്ല... ഇപ്പോള്‍ ഫുള്‍ ന്യൂജന്‍ ലുക്കാണ്. ഒരു ഇടവേളയ്ക്ക് ശേഷം ആരാധകരുടെ മുന്നിലെത്തിയ രാധികയെ കണ്ട് അക്ഷരാർത്ഥത്തിൽ ഞെട്ടി. റസിയയായി വേഷമിട്ട രാധികയുടെ പുതിയ മേക്ക് ഓവറാണ് ഇന്ന് സോഷ്യല്‍ മീഡിയ കൊണ്ടാടുന്നത്. വിവാഹത്തിനു ശേഷം സിനിമയില്‍ നിന്നു മാറി നിന്ന രാധിക ഒരിടവേളയ്ക്കു ശേഷം വീണ്ടും എത്തുകയാണ്. പുതിയ വരവില്‍ ഗംഭീര മേക്കോവര്‍ നടത്തിയിരിക്കുകയാണ് രാധിക. മുടി മുറിച്ച് പ‍ഴയ ലുക്ക് മൊത്തമായും മാറ്റിയിരിക്കുകയാണ് രാധിക ഇപ്പോള്‍.

പുതിയ സിനിമയ്ക്കുവേണ്ടിയാണോ ഈ മേക്കോവര്‍ എന്നാണ് സംശയം. ഈ ഫ്രീക്കി ലുക്ക് കലക്കിയെന്നാണ് ആരാധകരുടെ കമന്റ്. താരത്തിന്റെ ചിത്രങ്ങള്‍ സോഷ്യല്‍മീഡിയയില്‍ വൈറലാകുകയാണ്. ക്ലാസ്മേറ്റ്സ് എന്ന ലാല്‍ജോസ് ചിത്രം കണ്ടവരാരും തന്നെ അതിലെ റസിയയെ മറന്നിരിക്കാന്‍ വ‍ഴിയില്ല. മലയാളി മനസില്‍ ഇന്നും ഒരു ചെറു നോവായി ആ പര്‍ദ്ദാക്കാരി പെണ്ണുണ്ട്. ഷാജി എൻ. കരുൺ സംവിധാനം ചെയ്യുന്ന ‘ഓൾ’ എന്ന ചിത്രത്തിലൂടെയാണ് രാധിക തന്‍റെ രണ്ടാം വരവിനൊരുങ്ങുന്നത്.