ഹിന്ദി ടെലിവിഷന്‍ പരമ്പരയിലൂടെ പ്രേക്ഷകരുടെ പ്രിയ താരമാണ് ഷൊര്‍ണ്ണൂ പരിഖ്. ഷൊര്‍ണു ഹിന്ദി സീരിയല്‍ താരമാണെങ്കിലും മലയാളികള്‍ക്കും താരം പ്രിയപ്പെട്ടതാണ്. എന്നാല്‍ ഇപ്പോള്‍ പ്രേക്ഷകരെ ആകെ ഞെട്ടിച്ചിരിക്കുന്ന വെളിപ്പെടുത്തലാണ് താരം നടത്തിയിരിക്കുന്നത്. താനും ബാല്യകാലത്തില്‍ ലൈംഗിക ചൂഷണത്തിന് ഇരയായിട്ടുണ്ടെന്നാണ് താരം വെളിപ്പെടുത്തിയത്. ഇന്‍സ്റ്റാഗ്രാമിലൂടെയാണ് ഷൊര്‍ണ്ണൂ ഈ വിവരം പ്രേക്ഷകരുമായി പങ്കുവെച്ചത്. ആറു വയസുള്ളപ്പോഴാണ് താരം ലൈംഗികമായി ഉപദ്രവിക്കപ്പെട്ടത്.

സംഭവത്തെ കുറിച്ച് താരം പറയുന്നതിങ്ങനെ...

താനും മുത്തച്ഛനും ബസിലൂടെ യാത്ര ചെയ്യുകയായിരുന്നു. വളരെ നല്ല തിരക്കുള്ള ബസായിരുന്നു. അതിനാല്‍ തനിയ്ക്ക് സീറ്റില്‍ അല്‍പം സ്ഥലം നല്‍കാന്‍ ഒരു യാത്രക്കാരനോട് മുത്തച്ഛന്‍ ആവശ്യപ്പെട്ടു. അയാള്‍ തന്നെ അയാളുടെ മടിയില്‍ ഇരുത്തി. എന്നാല്‍ കുട്ടിയായിരുന്ന എനിയ്ക്ക് പിന്നീട് സംഭവിക്കാന്‍ പോകുന്നതിനെ കുറിച്ച് അറിയില്ലായിരുന്നു.

ബസില്‍ കയറിയപാടെ താന്‍ ഉറങ്ങി പോയിരുന്നു. ഉറക്കത്തില്‍ നിന്ന് എഴുന്നേറ്റപ്പോഴാണ് ആയാള്‍ മോശമായ രീതിയില്‍ തന്റെ ശരീരത്തില്‍ സ്പര്‍ശിക്കുന്നതായി മനസിലായി. എന്തൊ പാടില്ലാത്തത് സംഭവിക്കുന്നുവെന്ന് മനസിലായെങ്കിലും തനിയ്ക്ക് മിണ്ടാന്‍ സാധിച്ചിരുന്നില്ല. തന്നെ അങ്ങനെ സ്പര്‍ശിച്ചത് ആയാള്‍ക്ക് ഇരിക്കാനാന്‍ ബുദ്ധിമുട്ടുണ്ടാകാതിരിക്കാനാകുമെന്നാണ് താന്‍ അന്ന് വിചാരിച്ചത്. എന്നാല്‍ ഞാന്‍ ഇതിനെ കുറിച്ച് ആരോടും തുറന്നു പറഞ്ഞിരുന്നില്ല.

എന്നാല്‍ വര്‍ഷങ്ങള്‍ കഴിയുമ്‌ബോള്‍ ഇന്ന് അതിനെ കുറിച്ച് തുറന്നു പറയണമെന്ന് തോന്നി. അയാള്‍ ചെയ്ത തെറ്റിന് തക്കതായ ശിക്ഷ ലഭിക്കണമെന്ന് എന്റെ മനസിലുണ്ട്. ഇത് ഒരു ഒറ്റപ്പെട്ട സംഭവമല്ല. ഇപ്പോളും നിരവധി കുട്ടികള്‍ ഇത്തരത്തിലുളള ആക്രമണത്തിന് ഇരയാകുന്നുണ്ട്.

തന്റെ സുഹൃത്തുക്കളില്‍ പലര്‍ക്കും കുട്ടിക്കാലത്ത് ഇതു പോലുള്ള അനുഭവം നേരിടേണ്ടി വന്നിട്ടുണ്ട്. എന്നാല്‍ ആരും ഇത്തരത്തിലുളള സംഭവം തുറന്ന് പറയാന്‍ തയ്യാറാകുന്നില്ല. സമൂഹം തങ്ങളെ മോശമായി കാണും അല്ലെങ്കില്‍ വിശ്വസിക്കുമോ എന്നുളള ഭയമാണ് മനസില്‍ . എന്നാല്‍ ഇത്തരത്തിലുളള സത്യങ്ങള്‍ സമൂഹത്തിനു മുന്നില്‍ തുറന്ന് പറയണമെന്നും നടി പറഞ്ഞു